Ezîz Xemcivîn
Li pêşberî mirinê,
mirin e,
leylan e,
nezanîn e,
windabûn e,
tihnîbûn e,
û birçîbûn e..
Mirinê,
ji min re xwe şirove bike!
Bê av im,
mirin e..
Berê xwe didim rewrewka bêdawî,
mirin e..
Di deryayê de me,
bin min av e, derdorên min av e,
dîsa mirin e..
Ez xwebixwe bi guhê mirinê digirim û ber bi laşê xwe ve dikêşînim!
Hêza min, bi…
Şêrîn Saado-paris
Tu di zanî ..!!?
Ku bi agrê
Dûrahiyê
Tême sotin
Bi destarê
Bîranînan
Tême hêran ..
Û
Li ber bayê
Azariyan
Di hejim
Di derya
Hêviyên
Bê kevî
Belav dibim
Winda dibim ..
Dema ku
Xwe dibînim
Dîsaaa .. dîsa
Di nav wêneyên
Xeyalan de
Werdibim ….
Ew kulîlkên
Li pêsîra
Şopa pêrgîkirinan
Wekî minin
Bêrya te dikin
Hemû gava
Pirsa te dikin
Bersiva min
Li ser dêman
Du rondikin
Û
Girnejînek kelogirî
Di asêgeha
Lêvan de
Dilerizin ..!!
Wisa
Hûrdem
Dibûrin …..
Tengezar Marînî
Rê çendî xweş in, bê dawî
Roj çendî nexweş in, bêy şev!
Xweska min û te, hev av bidaya,
ji zimanê bo ziman, min û te,
me hev wergeranda.
Baran dibare,
pişkujên baranê,
pişkên baran, serê pencereya me gêj kir
pizrûk, pizrûk
û pencere?
Min û te pir nizim xwe ava bikira.
Ev zemîn avis e, bi kulan.
Ji belngaziya vê rewşê, dilê xewnhezan şikest,
ê min…
Kulmek ji Axê
ji bo Husên Hebeş
Berbang li Efrînê zû bişkivî
Şevê êdî nema xwe ragirt
Tarîtiya xwe rakir
da ku derkeve ronahiyê
lê ronahî tirsa wê ya herî xirab e
Napalmê ew şewitand bû
bêhna napalmê ji ba dihat
Toza Napalmê li ser çavên wê bû
û dîtina wê asteng kir bû
Her tişt bi pirranî ji wan re hat
pêşî roj, axa pîroz,…
Mizgîn Hesko
Derya…
Pir fereh
Û berav…
Ta bê dawî dirêj!
Kefeke guvaştî
Rûdêmên qeraxan
Bi xirecireke sihirdar
Dagîr dike…!
Û xuşîniyeke keskîn
Dilê latên lal
Parçeyek sinfonî
Dijenîn e…!
Kembereke berfîn î
Bi sedef û mircanên razber
Bejna deryayê
Perwaz dike…!
Û ev qeyika spî
Bi liva xwe
Di nav destên pêlan de
Hîn jî…
Ne zîz…!
Ey landika bayî
Û di tenêtiya de
Bi razên heyînê mijûl
Û di bextê vê deryayê de
Avjen:
Textên te ên kevizgirtî
Hîn…
Dîlên rêka xwe…
Mahîn Şêxanî
li herderê talan
û mirin û kuştin e
ya hebs û zindan
û girtin e
warek nema
em lê bi cîh bibin
ne li hundir
û ne li derve
parasitn e
berê xwe
bi kuyde vekin
derî hatin girtin e
miletê hov
Iro bo qeder
lê ser sinorê min e
em bûn penaber
ú
hîn xelasî
jiwan tune
leanet li wê rojê bê
ku van hovan kirin
jîranê min e…?!…
Gurgan Elhac
Were hevalo bes e
Serê xwe deyne ser sînga min
Desta li stûna mirada rapêçe
Canê kerixî
Emrê riziyayî
Hêja ne di kewsera rihê min de
Zindî bibim
…
Ezê qeşaya temen bişkînim
Ocaxa dilê te de bi helînim
Pasimbareke sor
Bi heftê û sê deqên reş
Li zenda te badim
Ezê hilmek Laleşî di cegera te de berdim
…
Bihna sîng û berê min
Hewarê bighînê sikrata dawî
Hêsirek poşmaniyê
Berdim…
Xizan Şîlan
xoşewîsta sîngsedef
ez te ji wîzewîza pêlên bareşa felekê
dipirsim
tevna hezkirin û bêrîkirina te
bi pîzotên agirê dilê kewgirîn
dihûnim
ji keziyên porê te ya mircanî
bêhna qurnefîlan
difûre
bêyî te
ez bûm çûka hêlîn wêran bûyî
û şeveder mayî
bîranînên temenê zû kal bûyî
xwîn vedirişin
ma tu çi bûyî bûka bin perda
veşartî û fedîyok
wek Mecnûnê li Leylaya xwe digerî
ez jî
li nav toza çolistanên xewle
li şopa…
Şêrîn Saado -paris
Li ber dîwarê biyaniyê
Dergûşa êşan
Di hejînim
Bi vedenga hInasên
Bê deng
Stirana hêviyên
Bê hêvî
Dilorînim
Penaberim ..
Kirasê jiyaneke
Bê jiyan
Bi teşiya dilê melûl
Dirêsim
Bi ser bedena hûrdeman
Dadikim
Di agirdana
Omîdên kuştî
Û bîranînên
Sêwî û derbeder
Hestên min di sotin
Ji xewnerojan şiyar dibim
Li ber dergehê
Berbangeke dûr
Tenê rondik dikarin
Agrê di dil de
Sar bikin
Û şewata birînan
Bikewînin
Ji ber ku
Ez penaberim ..penaberim ….!!
Ezîz Xemcivîn
Çirayeka êş ji canê te dirêsim..
Deftera tundûtûjiyê ji dîroka kirêt çi dibêje?
Li welatê te jî, kînxincera tundrewan xwînê dirêje!
Ho..
Piçûkê janê,
dilê nazik kê bêhna jiyanê ji sihikên girnijîna te birrî?
Havîna evîna te,
ji bo çi hetav li bejna xwe ne kiriye!
Zimanê ahîneka nû vebû,
destê çepel agirê cegerê dada ye!
Sêwiyên nesaz li kolanên aramiya we strî û…
