Mêvanên birêz,dost û hevalên xoşewîst: Kat û demên we ronî bin
Em wek yekîtiya giştî ya nivîskar û rojnamevanên Kurd li Sûriya tevlî yekîtiya nivîskarên Kurdistana Sûriya -Nûnertiya Europa- Em bi dilekî coş û singek fireh we tevan hembêz dikin , hatina we cihê serfiraziya me ye.
Hûn tev qevdek yan jî gurzek gul in ji rengê xwîna kesk û rojê ,vê mihrecanê dixemlînin.
Amedebûyên hêja:
Ji xwe em dizanin ku îro mihrecana helbesta Kurdiye di salvegera 40 de ya koçkirina helbestvanê mezin nemir Cegerxwîn e ku ewî bi xwe bi rola xwey herî mezin rabû di warê netewniştimaniyê de ku bav û bapîrên me helbestên wî ezeber kiribûn, li ser bênderan li ber paleyiyê li şahî û dewetan li newrozan bi rengê stranê digotin, eva yek ji faktorên ku hişt civat û zimanê kurdî bê parastin.
Hevalên hêja:
Xwendin û nivîsandina bi zimanê dayikê erk e li ser milên me tevan ,em dikarin bi gelek zimanan binvîsin lê tenê bi zimanê dê mirov dikare afrandinê bike ,Ji xwe milet bi zimanên xwe tên naskirin ku ew dibe kilîta parastina kiltûr û wêje û civatê.
Wisa em dikarin bêjin ku wêjeya kurdî bi hemî cûreyên xwe ve bi roleke mezin di vî warî de rabûye,yek ji van cûreyan jî helbesta kurdî ye, ku kurdan bi rengekî hesan ew bi devikê nifşekî dispart nifşê dî, êş û azar û şahiyên xwe, ta gilî û gazinên xwe jî li ber çira helbestê dihûnandin.
Wisa jî helbestvanên hêja bejin bilind berz û bala ji nêv me kurdan rabûne ji şêxê eşiqan melayê Cizerî bigre ta hosta û maystroyê dilberê Feqê Teyran,ta endezyarê tifaqa Kurdî , Bapîr ê Mem û Zîn ê Ehmedê Xanê û heta derhênanê Pîra Torê nemir Cegerxwîn..Wisa jî hozanvanê peyva şêrîn Şêrgo Bêkes ku helbesta nûjen bi me da nasîn ku ritme mûzîke wêneye awaze …
Ji xwe naxwazim navê helbestvanên xort û qîzên nûhatî bibêjim ew bixwe ayende û pêşeroja helbesta Kûrdî ne.
Em jî miletekin mîna hemî miletê cîhanê, wejeya me jî bandora hevsiyên derdoan wê lê hebe, vêce hewcenakê bêjim ka çi cîwazî dinêvbera helbesta kilasîk û ya nûjen de hene , ji be rem tev li ser vê babetê agehdarin,bêguman her rengek qeşenegbûnek wê taybet heye .
Dawî dikarim bêjim ku pir helbestvanên me lêbûrîna
xwe xwestim ji bo nehatina mihrecanê ji ber pir sedeman wek dûrbûn, nexweşî,nevalabûn û…Silav ji bo helbesvanên me yên hêja yên hatî û yên nehatî jî.
Hêjaye gotinê ku ev merhecan ne pîşbirk e û ni jî helbestan daneberhev dike, tenê bîranîneke ,tenê zindûgirtina jiyana nemir Cegerxwîn e,vejandina jiyana helbestêye ,şahiyeke, lihevhatineke,pirseke , bihinvedana şervanekê li welatekî windaye. Boçûnê koteyî, peyva dawî her wê ya we be cemawerê delal.
Spas ji hatina we re ,spas ji amedebûnê re ,spas bo guhdarkirinê..Bijî helbest bijî helbestvan.
