Dostaniya herdu gelan (Kurd û Ermenî).. Zabêl Ez Ermenî Me!

Hacî Kardoxî

–    Serpêhatî û jiyana Sarkîsê Kêvo wek filmê Rambo ye!
–    Di romana ZABÊl de em dibînin ku çiqas zilmû zordarî li milletê Ermenî hatiye kirin!
–    Rizgarbûna Sarkîsê Kêvo wek mucîze ye ku ji nav keriyên gurên har xilas bûye.Îro min romana ZABÊL, Ez Eemenî me ku nivîskar Ezîz Xemcivîn pêşkêşî me xwendevan kiriye bi dawî anî.
Roman ji aliyê weşanxaneya SÎTAV ê ve hatiye çapkirin û ji 159 rûpelan pêktê. Di romanê de bi dehan serpêhatî henin. Roman bi zimanekî wejeyî, herîkbar ku xwendevan bi hêsanî têdigehî hatiyenivsandin.

 

Min bi kelecaneke mezin kitêbê xwend û ji bo min dora 14 demjimêran girt.
Roman behsa trajediya sedsala gelê Ermenî dike ku ji aliyê dewleta hova Osmanî ve pêk hatiye û bi milyonan Ermenî, Suryanî, Kurdên Êzîdî hatne qetilkirin.Bi hezaran çîrokên û serpêhatîyên tiltezîn yên fermanê henin ku hêna veşartîne û pirên wan nehatine nivsandin. Pir mixabin ku ev serpêhatî pirê wan wendabûne. Lê xweş bextane ku nivîskar Ezîz Xemcivîn li gor taqet, hostayî û zîrekiya xwe bi rengeke edebî serpêhatiya xortikê Ermenî Serkîsê Kêvo( Hilûc) kiriye diyarî ji bo gelê Kurd û Ermenî.Di romana ZABÊl de em dibînin ku çiqas zilmû zordarî li milletê Ermenî hatiye kirin û çi karesat hatiye serê vî milletî. Em di romanê de hovîtî û bêwijdaniya mirovên ku çewa bawerî bi dîn anîne kuştina mirovên bêguneh ji xwe re wek erkeka Xwedayî dîtine dibînin.

Ji aliyeke din ve mirov dibîne ku dostaniya herdu gelan Ermenî û Kurd ku çewa bi hevre alîkarî kirine, li hev xwedî derketine di gel ku metirsiyeka pir mezin jî hebûye li xwedî derketina kesên Ermenî ku ji ber fermanê rizgar bûne. Rizgarbûna Sarkîsê Kêvo wek mucîze ye ku ji nav keriyên gurên har xilas bûye. Sarkîsê Kêvo bi saya, xêra Xelefê Şelaş, Kurdê Êzîdî rizgar dibe û li mala xwe xwedî dike, dike kurê xwe, wek çavê xwe lê mêzedike.

Serpêhatî û jiyana Sarkîsê Kêvo wek filmê Rambo ye ku di gelek xefk û dafikan re derbas dibe. Mezinbûna wî, jêhatîbûna wî, wefadariya wî bi xak û millet û ehlê wî re cewherê kesatiya wî û koka wî dide xuyakirin.
Ez hêvî dikim ev kitêb ji alî gelek kesan ve bê xwendin ku romaneka hêja û serkeftî ye li gor baweriya min.

Pir sipas nivîskarê me yê hêja Ezîz Xemcivîn ji bo xebat û keda wî. Hêvîdarim pênûsa wî her dem berhemdar be ji bo xwendevan û hesjêkiriyên ziman û wêjeya kurdî.
Em hêvîdarin ku li werza payizê bernameyekî li ser kitêbê bi nivîskar Ezîz Xemcivîn re çêkin.

29.07.2024
Hacî Kardoxî
Radio Ashti

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ez bi tenê rawestiyame,

Çemek ji ramanan,

Wêneyên ji sîberê di nav tevnê de,

Vedeng bêhingivtin.

Deng bi çirpekî xwe dişêlînin,

Henaseyek ji nostaljiyê,

Ronahîyek dişkê,

Xeyalên hilweşiyayî.

Bazin dizivirin,

lîstika demê,

dilopek dibare,

deng belav dibin.

Ta…

بێوارحسێن زێباری، هه‌ولێر

ئه‌گه‌ر ئه‌م ل سه‌ر ناسنامه‌ و گه‌لێ كورد ڕاوه‌ستین، دێ ئێكسه‌ر هزر و بیرێن مه‌ دێ بۆ وان شۆڕه‌ش و سه‌رهه‌ڵدانێن گه‌لێ كورد چن ئه‌وێن وان ئه‌نجام دایێ د قویناغێن جۆدا جۆدا دا بووینه‌ مایه‌ی ده‌ستكه‌فتن و ئه‌گه‌رێن هندێ كو كورد ببن خودان بڕیار و ده‌ستكه‌فێن زێده‌تر و…

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…