Pirtûka Dîlana Kurmancî, yekempirtûk e ku behsa mijara Stirana Gelêrî li Rojavayê Kurdistanê dike bi awayekî
zanistî û ekademî, û ronîkirina wê bi venerînê û nîşankirina taybetmendiyê wê.
Ev pirtûk
30 stiranên gelêrî ên taybet bi dçlana Kurmancî li xwe digre, her stiranek û
noteya wê, meqamê wê, şirove û vekolîna wê noteyê pêre hatiye.
30 stiranên gelêrî ên taybet bi dçlana Kurmancî li xwe digre, her stiranek û
noteya wê, meqamê wê, şirove û vekolîna wê noteyê pêre hatiye.
Dîlana Kurmancî, li herêma Cizîrê
li Rojavayê Kurdistanê, û li nav gelek ji eşîrên Kurdan li Bakurê Kurdistanê, û
hin dibêjin ku eşîra Omeriya jêdera vê dîlanê ne, lê hêîna tu lêkolîn nehatine
nivîsandin ku vê yekê piştras bikin.
li Rojavayê Kurdistanê, û li nav gelek ji eşîrên Kurdan li Bakurê Kurdistanê, û
hin dibêjin ku eşîra Omeriya jêdera vê dîlanê ne, lê hêîna tu lêkolîn nehatine
nivîsandin ku vê yekê piştras bikin.
Sazbend û amêrên muzîkî ku bikar tên di stiranên Dîlana Kurmancî de sazbend û amêrên gelêrî yê mêjîn in: Kemançe – Def û zirne – Tembûr – û niha (Bizqa kehrba).
Hin stranbêj ev cure ji stiran û dîlanê ji xwe re kirin kar û taybet bûn bi wan, û hin ji wan stiran ji bo vê dîlanê nivîsandin weke Ûsivê Çelebî yê ku koça xwe ya dawî di sala 1963 de kir, ku pir ji stiranên vê dîlanê li ser navê wî tên destnîşankirin; û hem jî Se`îd Yûsiv, Mihemedê Kinê, Mihemedê Remo û Ebdulqadir Silêman.
Herweha gelek stranbêj hene navdar in bi vê dîlanê weke: Xidirkê Omerî, Hisênê Omerî, Hiznî bavê Adil, Şefîq bavê Re`d, Se`îdê Bêrtî, Se`îd Gabarî û Şikriyê Fafê…Hd.
Di dawiya pirtûkê de, ferhengokek bi navê gotinên muzîkê û wateyên wan bi zimanê Erebî û Kurdî hatiye.
Pirtûk ji 151 rûpelên naverast pêk hatiye, û ji aliyê Enstîtuya Kelepûrê Kurdî û li çapxaneya wê hatiye çap kirin.
Hêjayî gotinê ye ku, Enstîtuya Kelepûrê Kurdî weke dezgeheke taybetmend bi geşepêdan, komkirin, erşîfkirin, belavkirina Kelepûr û Floklorê Kurdistanê hatiye damezrandin. Pişka (çap û vekolînê) di vê dezgehê de her ji destpêka karê xwe de, çarçeveke zanistî û cêgîrî ji bo karên xwe destnîşan kiriye, û hewl daye ku berhemên xwe weke çavkaniyeke zanistî di erşîfa pirtûkxaneya kurdî de, kelk bi tiwêjeran û lêkoleran bighîne. Ji bona vê mebestê, bi hemahengî li gel kesayetî û şarezayên biwarê ferhenga Kurd û Kurdistanê, projeyên xwe cih bi cih dike, tevî wê, ew nivîs û lêkolînên ku ji aliyê nivîskarên din jî dighên ber destê wê, weke tevahiya projeyên xwe karê zanistî û hunerî ji bo wan dike û dide ber çapê.
Yasîn Hisên
Enstîtuya Kelepûrê Kurdî- Silêmanî
