Konê Reş
Îro (15.07.2014), danê sibehî, ji bo derbasbûna 63 salan di ser koçkirina Mîr Celadet Bedirxan re, min semînerek di navenda Aso a Rewşenbîrî de li bajarê Qamişlo, li dor kar û xebatên Mîr Celadet Bedirxan pêşkêş kir.. Di nav re jî, min ronahî berda dor malbata Bedirxaniyan a dêrîn û di destpêkê de min wiha got:
Ez ne bawer im ku ti malbatan wek malbata Mîrê Cizîra Botan, Mîr Bedirxanê Azîzî, ji dil û can xebat û bizav di ber gelê kurd de kiribin, tev malê xwe û canê xwe di ber de winda kiribin.
Tevî ku neferên vê malbatê ji sala 1847an ve, di koçberî û sirgoniyê de dijiyan, lê wan qet Kurdistana xwe, warê bav û kalên xwe jibîr nekirin, ji desthilanîn neketin, li ber xwe dan û gelek xebat û bizav kirin, da ku navê gelê xwe di nav gelên cîhanê de bilind bikin. Neferên vê malbatê di sirgoniyê de, di bin şert û mercên çetîn û dijwar de, xwe berpirsyarê gelê xwe didîtin û kêşeya gelê kurd barê xwe yê yekemîn dinasîn, bi gotin û kirinê dixebitîn, çi di warê civakî û rewşenbîriyê de, û çi di warê siyasî û konevanî de, û wiha tev di sirgoniyê de dûrî xaka Cizîra Botan mirin.. Cihê ku Bedirxanî lê bijîn, Kurdistan li wir e…
Her û her daxwaza wan pêşxistina gelê kurd û bilindkirina navê Kurdistanê bû û wiha wan Bedirxaniyan gelek komele û dibistan damezirandin, gelek kovar û rojname weşandin, hem jî bi saya wan gelek navend û enstîtu ji gelê kurd re hatine ava kirin.
Îro roj 63 sal di ser koçkirina rêperê zimanê kurdî, mîr Celadet Bedirxan re derbas dibe. Bi vê helkeftinê kêfxweş dibim ku em yadvegera koçkirina wî a 63 salan li Qamişlo pêk bînin…
Spasiya Navenda Aso û tev hatiyan dikim.
Evin çend wêne ji semînerê û beşdaran.
Qamişlo, 15.07.2014
Her û her daxwaza wan pêşxistina gelê kurd û bilindkirina navê Kurdistanê bû û wiha wan Bedirxaniyan gelek komele û dibistan damezirandin, gelek kovar û rojname weşandin, hem jî bi saya wan gelek navend û enstîtu ji gelê kurd re hatine ava kirin.
Îro roj 63 sal di ser koçkirina rêperê zimanê kurdî, mîr Celadet Bedirxan re derbas dibe. Bi vê helkeftinê kêfxweş dibim ku em yadvegera koçkirina wî a 63 salan li Qamişlo pêk bînin…
Spasiya Navenda Aso û tev hatiyan dikim.
Evin çend wêne ji semînerê û beşdaran.
Qamişlo, 15.07.2014
