Kurdino bese birakujî

Narîn Omer

Çi milet û gelê zindî hebe di her çar hêlên cîhanê de sûde û mefayê ji bûyer û guhertinên nû û lezgîn girêdidin, û hin ji mafên xwe yên binçav û blindest ji tewşî û lepên qirêj rizgar dikin, û pêşeroja xwe bero xweşî û aramîyê dişopînin, ji bilî gelê kurd.
Çima wisa li ser kurdan tête gotin?

Eger kurd ne wisa ban ev bûyerên dijwar û tûj bi serê wan ne dihatin, û şerê birakujiyê zora wan nedibir, û newekheviyê û nakokîyan ew bê care nedikirin!
Tişta niha li “Amûdê” çêdibe nameyek dijware ji gelê kurd re kû ewê bimînin bê pare ji encamên buhara rojhelata navîn û ji serhildanên derdorên xwe ji ber kû ew metirsiyên bê hevsar yên kû kakila mejiyê me dixwerandin weko sawêran imza rastiyê li zengilê xwedan.
Mixabin û hezar mixabin ji kurdên me yên di  “Amûda Bavê Mihemed” de dinalnin!
Axîn û hezar feryad ji van xortên me yên dilpak û hestgerm re!
Ew xwîna wan ya zelal ya kû beyhûde rijîyayî li şeqam û kolanokan de, pêwîst bû bi ba ava jiyana bêdawî û di demarên wan de herikî ba û kulîlkên azadiyê û aştiyê di jiyana kurdan de belavkiriban, û dara pêşeroja kurdan rewa kiriban.
””””Amûdê” bang dike:
“Kurdino bese, kurdino bese
Kurdino karwan diçin, bi lez rabe û rêka wan bişopîne