Tiliyên bi taya jibîrkirinê ketine

Evîn Şikakî

Ka ji min re bêje…
 tu bi qedrê xwedê kî…
xwedayê di dilê te de dijî…

çawa xwe fêrî hatinên poşmaniyê bikim ?
çawe ev kewên li ser dilê min difrin
fêrî melevaniyê bikim ?
çawe lehiyê fêrî sebir û hedanê bikim ?
ka bêje min ?
 ez xatir xwestina te bi kîjan pînosê binvîsînim?
li ser çi rûpelê xêz bikim? 
 mane destê min bi taya jibîrkirinê ketine
 û bihna gazinan ji wan tê!
 tiliyê min jî weriyane!. 
 De bêje loo
dil bi kulo loo….
 mane te narînkên  xwe jî ne gotin
( bukê delalê rabe xwe karke
 şûşa miskê bi serê xwe dake
 zava şêrîne xortekî pake )
erê…
 te narînkên xwe jî negotin!
vedenga dilê te ji arbaneyên derwêşa dihat
xewnên daşta hesinan ber bi ava Seqlanê Mema û kaniya Xeyda ve diçû.
hêviyên  dil bi kul xwe sipartin darê miradan.
Erê…
 te helbesta herî şêrîn
 li ber dilê xwe jî ne got
 (şoxo şengê zûhre rengê.. dil ji min bir dil ji min
awerîn heybet pelingê.. dil jimin bir dil ji min)
erê loo
dil bi kulo loo!.
 ka ji min re bêje…
 ez xatir xwestina te bi kijan salê… 
 bi kîjan bûyer û malwêraniyê ve girêbidim?
 bi salên koçberiyê ve ?
 bi salên perfa sor û zivisatanên sar ve ?
yan bi salên enfal û kîmya baranê ve?
 ka bêje
ewleya te bi kîjan ronahiyê tê?
 mane ronahiya heyvê jî ne ji ya evîndarkî bendemayî pitir e.
de bêje…
 bêje

شارك المقال :

Leave a Reply

Your email address will not be published. Required fields are marked *

اقرأ أيضاً ...

Elî Cefer

Berhema Dr. rojnamevan û lêkolînerê naskirî Ebdilmecîd Şêxo, ya bi navnîşana: Rolên ( Jîn. Roja nû. Ronahî ) di pêşketina bizava çanda Kurdî de, wek pirtûk ji lay weşanên ( Sersera ) – Berlin ku xudiyê wê rêzdar Dr. Beşar Mistefa ye ronî dît.

Dr. E. Şêxo di va…

Kurdistan Elî / Axin – Elmanya

 

GERDEN XALID HESEN Sindî ya kû ji Zaxo jidayik bûbû Sala 1930 çû ber dilovaniya xudayê xwe yê dilovan , GERDEN Kiye..?

Ev Şerejina kurd kû ji sala Enfala ve 1988, Jiyana xwe bi girî û Nalîn dinav Robarê Fermêska de derbas dikir , belkê ne tenê GERDEN Dayika Şehîdan bû…

EBDILBAQȊ ELȊ

Di haman dema ku șandeya kurdȋ ya hevbeș ya ku ji encamȇ konferansa yekrȇzȋ ȗ yekhelwestȋ ya kurdȋ ku 26 nȋsana derbasbiwȋ li darket hatiye pȇkanȋn xwe amade dike jibo ku ber bi șamȇ ve birȇbikeve ȗ li gel serkirde ȗ rȇberiya nȗ li șamȇ giftȗgo ȗ diyalogȇ bike. Di heman demȇ de rȗpelȇn…

Mehmûd Bedlî

Dema ku hêzên rejîma Esed ya Dîktator ji hin deveran vekişiyan û rê li ber hêzên Heyet Tehrîr el-Şam vekirin ku di nava çend rojan de Ebû Mihemed el-Culanî li koşka serokatiyê rûnişt û ragihand ku Sûrî ji zordariyê rizgar kir, her wisa gelek xelkên Sûrî jî hîs kirin…