Serhildana hevrêzên xortên kurda di bin çi diruşmê de dilivin

Melevan Resûl

Goman nîne ku hêza guherîn a civakê bi hîm û palpiştiya hêza ciwan û xortan di her civakê de bi encamek erênî dibe , ew beşê civakê ya herî bi çalake û dawiya dawî ew nifşê paşerojê ne û beryara di destê wan de çarenûsekî ji wan re wêne dike .

Şoreşa miletê sûrî wekî ya hemû raperînên rewa ji çalakiyên xortan destpêkir ,
 roj biroj gavan li pêş dixin û mora xwe li guherînê didin , ciwanên kurd jî bi lezgînî banga guherînê di wê rêbazê de tekoşînek bi rûmet nîşan dan , eva jî cihê serfiraziyê ye û omîda gel geş dike , ev serhildan di seran serî welatê me de bi bandor dibe û hîkariya xwe berda ser tevgera siyasî jî û di qoziyekî de asteng kiri da ku bibe xwedan helwest û bi germî bikeve şepola guherînê û yan wê di şûnde bimîne , ji lew hewldanên yek alî ji bal çend partiyên kurdî ve û beşek berfereh ji rewşenbîr û beşên civakê , ketin liv û dewranê da mora xwe li vê rûdana ne dihizran de bidin , hinek li pêlê siwar hatin û hinan xwe ragirtin û heta roja îro helwestên wan di tevlîhevîyê de ye , heme em dikarin bêjin ku tevgera siyasî , civakî û rewşenbîrî heta niha nekariye xwe li gor lezgîniya veguherînê  tekûz bike yan dûzan bibe , ew ji qelsiya bêbawerî û bê helwestiya berpirsiyar der tê .
Em bêjin yan nebêjin lê îro ezmûn hatiye ku veqetandin were kirin û cihê vehesînê û siwariya li pêlê nemaye , ev mijar di kolana kurdî de bi giranî tê guftûgo kirin û lêgirtin bi dijwarî têne kirin , lê ya ku heta niha ji ber kirîtîkiya mijarê hîn ti kesî berê xwe nedaye hevrêzên ciwanên kurd ka çi dikin û dibin çi banî û pirojeyê de dixebitin , helbete bi qasî lêgirtin li tevgera kurdî ya rêxistinkirî tê kirin , du qatê wê li hevrêzan jî dive were kirin , gelo berê van xortan bi kude ye û dibin çi forman de liv û serhildanê dikin , ka pirojeya di destê wan de çiye û her weha ………..
Ev pirs hemî hîna zelal nebûne û mane bê bersiv , tirsa min ji wê tirsê ye ku bi rengekî ji rengan û bêhişyarî ew bikevin bandora ajinde û komployan de , nemaze nexuyakirina rê û projeya guherînê û destkeftên miletê kurd wê çi bin di encamê de , bila em newin xapandin bi gotgotê opzisyona tert û balav , ya ku heta îro ne diyare wê çi bi xwere ji vî miletî û welatî re bîne .
Eve jî tê wateyê ku ciwanên kurd carek dî li xwe vegerin û ji nûve xwe rêz bikin û omîda miletê xwe neşikînin , gelo ma dibe ku ciwanên kurd di şeqamên bajarên kurdî de doza rûxandina rijîmê bikin û ji bajarên Sûrî re siloganên piştgiriyê bêjin ya ku heta roja îro di wê aloziya xwede hîn hebûna miletê kurd napejirandin e !
Diruşmên ciwanên kurd dihêle ku cada kurdî mando bibe û pûte bi wan nede , nemaze diruşmên mîna ( kesên tevlî me nebin bênamûsin ) !
Hûn ji kîre van sixêfan dikin xortê kurda , qey miletê we namûsa xwe bi destê rijêmê ve berda ye ? .

Hêviya min ewe ku ciwanên kurd bi qasî navê xwe derkevin û rola guherîna hevdem bi dest xweve bînin  da ku em bi hevre bighin roja azadiyê .

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…