Nasnameya evînê

min evîna xweyî bêhempa û bêpayan
bi bejna te re dipîva.
Tû mîna bê, her dem tê
û min te helbesta xwe û helbesta xweyî nenivîsî
di awirên çavên te de didît.
Min dizanî
wê ew bi tenha
di nava çengên te de
li ser lêvên te
û li odeya ku têde bilbil
fêrî evîna me dibû
were parastin.
…………………….
Xwezî ji nişkave
ez û tû pêrgî hev bibana
rûbarî hev bihatina
wê fêrmiskên min!
ji jor ta jêr
xaka ziwa hêwî bikirna
wê ji nava wê dara evînê derbiba
û tê mêweyên evîna min û xwe
bi lêvên xweyî şêrîn bixwarina
minê bi destên xwe
bişkokên kincên te
vekirna
û li ber bêhna wan
û li ser sînga te
semaya eşqa te bikira.
…………………….
Nizanim
bêyî min tû çi dike
kî her sibeh
qehwê pêşkêşî te dike
û di herdanî de te dişo
û cilêne te li te dike.
………………….
Dizanim! tû bi min, mîna Feratê me dibe
û tê!
ji dengvedana min û xwe
destana hêviyên ku ez dibînim biafirîne.
……………….
Tû ne li vire
xwe nikarim ji te dûrbixim
lê tew li wir
divê em bi hev er bin
di hembêza hev de daxa evînê
ji bîr bikin
ku yek kêlîk
ji destên min û te neçin
û ji xwe bêyî me
wê dest dirêjî hev bibin
û mê xewê!
ji şevên bêdeng bidizin.
………………….
Dixwazim
ji evînê têr bibim
û mîna pinpinîkê
ne carekê, lê hezar carî
di arê te dada
û tê
dade werbibim.
………………..
Hege serma hat û tişt nebe
dixwazim ardiwê mala te bibim
yan di şevê de lihêfa li ser bedena te bibim
û lihavînan, li diyarê te
mîna qitikê
li bin tûmê kesk
yê xernûbê
li ser hêlîna te rûnêm.
…………….
Delalim û tû delale
dil bi êşim, tû samane
li te digerim, tev diwestim
li delalê xwe digerim
li bezkofiyan, li ser zozanan ez digerim
li tayê şîn yê te diyarî wê xewnê kir
ez digerim.
20.02.2008
Almanya- Hannover