Narîn Omer
Barîn delala min
Te dastana evîniyê
di dilê kurd û cîhanê de
bi gul û kulîlk kir
Te şîrava mêbûniyê
di henasên jiyanê de
xweştir kir
Ewan ji tirs û sawa
dilê te yê kêfxweş û
canê te yê polat
cendikên te talan kirin
Kenê te
ew bê çare hiştin
Kenê te
Ew ji zemîna mirovaniyê
Koçber kirin
Navê wan li ser koka
hov û mirovxwaran tapo kirin
Dengê…
Brahîm Mehmûd
E,F,R,Î,N
Ev çi kesên ku li jiyana xwe bûne bar?
Ku ji mirovatiyê hatine xwar
Bi navekî te xwe li ba dikin ” Șaxê zetûnê “
Way gidî
Ev çi bê xwedî
Ku êrîşî kurdayetiya te dikin
Ku pê xweliyê li serê xwe dikin
Bi hesinê xweyî gemar
Bi çekên xweyî har
Û tu bi navê xweyî kesk
Bi xwedayê xweyî kesk
Bi çiyayê xweyî…
Nizar Yosif
Li ber birîndîmen ên sirûşt a te
Leke li rûkê dîrok a mafwindaker dikevin
Bûk a di çeperê de xeman girtî
Wijdan ên herkesî ji te re razayî ne
Hemî çav di derbarê te de kore dibin
Şihîn* ên maf ji wekhevî dikevin
Derewên bêdengiyê bi beloqî rûdarin
Pê û destên me ji ked ê
Di zuhaya axê re zîl…
Ez vê helbestê bi boneya helkeftina çalakiyên çilrojiya nemir helebestvan û parêzer Xelîl SASÛNÎ diyaî giyanê wî dikim.
Şikarta me her sal bi xwêdan av dida
Çaxê serma ket û bihar hat, sinbil da
Me çinî me kom kir ne tenê, me tevda
Bahoza te rakir, ji kîna te tev da
Me dêra me hêra, kir hevîr û lêda
Te nîvişk…
Xizan Șîlan
ez
bi bîranînên cemidî
tijî me
li êvarên bêhnteng
pêsîrên hingoriya aso
dimijim
tîrêjên heyvê melûl melûl
dibiriqin
asîman xeman li hinava şewitî
dibarîne
berê xwe didim çolistanên ziwa
li ser rêya heqîqetê siwarê
hespê kumeyt im
eniya qedera mirineke bêwext
paç dikim
stûna jiyanê bi mij û dûmanê
qelişî
peleke keserkêş
ji salnameya temen şeqiya
tenêtiya min
cêwiyê êşa eşqa dilê bîrîndar e
pênûsa helbestê xwîn vedirişe
hemû bajar ketiye xewê
ez bi bêxewiyê…
Senar (Mûsa Qulîkî Mîlan)
Dîsa destê xiyanetê
Vîna netewî hedimand
Serê gelek çiyan çemand
Ruhê şehîdan lerizand
Tovên nakokiyan reşand
Xwîna egîtên me hirşand
Çira gelê me temirand
Xewa mala mezin firand
Bişkê destê xiyanetê!
Dîsa destê xiyanetê
Dîrok bi paş da zivirand
Gelek mêrxasin biecand
Koşka yekîtiyê rifand
Dil, hinavên me peritand
Dilê dayîkan şewitand
Rondikên xîretê barand
Pişta mala mezin şikand
Bişkê destê xiyanetê!
Dîsa destê xiyanetê
Bav û kur va…
lazgîn dêrûnî
Ji bo yarê dilêm text e
Bi gorî can dikim nexte
Bi hêvî ma werim rex te
Bidî min ol û him bexte
Li ser pêlên evîna te
Li dûv xweş hilm û bîna te
Mirad û mexseda min bû
Werim koçka civîna te
Li wê koçkê bibim mêvan
Li ser desta bikim razan
Bi ramûsim dev û lêvan
Ber û sînga bikim talan
Civat û…
Vejîna Kurd
Di navbera payîz û zivistanê de
Demsaleke girî..
Min radestî pêlên azariyê dike
Û bahozeke hov
Min vedixwîne semaya mirinê
Belêêê…. Semaya mirinê
Ji ber ku
Ez peleke payîzî me
Êşa peyvê
Û tengijandina bêdengiyê me.. ez
Carina
Di bin çermê demsaline tî de
Siha kenekî revandî
Di bextê xwe de min dibişirîne
Lê pir caran…
Dem..
Keskahiya hêviyên min
Û zelaliya hestên min dimije
Peleke nîvmirî me.. ez
Li her êvarekê
Bi…
Merwan Berekat
Di nav lêvên şevê de
helbesteke windayî
mûzîkeke jibîrkirî
bûn xweşawaz
lê ne mîna dengê te
Gurzek ba
sureke finckirî
di nav rîşiyên baranê de
bûn ramûsanek
lê ne mîna
yên ji lêvên te
Di paşela berbangê de
gelawêjeke keçane
stêrkine fedok
bûn dîlana sipîbûnê
lê ne mîna sîngê te
Kulîlkên yasemînê
qurnefîlên çolane
bûn gulavzê
lê ne mîna
ya hevdeyên porê te
Di nav giriyê ewran de
ji…
Şêrzad Zeynelabidîn
Evro bi erebî , me nahêt helbest
Ji bo te yarê , kurdî ye elqest
Da bikem behsê , vê nazenînê
Evê Sitî yê , Leyla û Zînê
Çawa li pawîz ê , şeva min geşkir
Çavê neyara , wê tijî heş kir
Stêra dibînim , pirşeng û geş tir
Tama jiyanê , sed cara xweş tir
Şev li min kire…
