Min nizanî çi bû !!

  Ebdilmecît Şêxo

     Darên çavên keçên min
            babelîskên tûj
               di nav porên dilberan de
                                             berdan.
 Qîrîna zaokên di pêçekan de
  mîna çivîkan di dilên
           jinên bedew de
                                    dilorandin.
 Lê min nizanî çi bû  !!
 Min dît MELEKÎ TAWUS
      û neqşa welatê “Diyako “
         ya ku li ser avraza Hesîrkê
            û li sr berpala çiyayê Lêlunê  
              bi hevringa Rîngoyê Kîmarê nîgarkirî
                  rûçkên hev ji  fêrmêskên dilzariyê
                                     paqij dikirin.
Lê min nizanî çi bû!!.
Min dît
baweşînên darên zeytonê
henarên kerikî ji daran
bi ser serên bûk û zavên
             bajarê min de berdidan.
û keskesorê ji gulistana xwe
 nêrgiz bi ser alûleyên giyanên
                       dayikan de berdidan.
Lê dîsan min nizanî çi bû !!!
Min dît îro
 karwanên tivîrk û hechecukên
        gundên me
                  mîna berbiyan
                        bi sêmfoniyên hestnazîk
                             pêşwaziya fireşteyekê
                                                     dikin.
Dîsan min nizanî çi bû!!
Lê min dît helbestên
              Rûxwaş û Hêmen
              bi destanên bajarê min
                              avdas dikin
û xûşxûşa kaniya “Maratê.”
           mîna minalekî    
        di dawa Xedîca Sewrên de
              bê mêtina memkan
                        û li ber lorîna Leyle bi ara ……………… amî.
                                                       xew dike………. .