LI KEVÎ YÊ BUHARÊ

XEMGÎNÊ REMO

Ez û te û
Şeva nîvê şevê
Cîhanek bê deng û
Hîveke şeng …
Destpêka bayê buharî
Kulîk li şaxê dilê min
Dibişkivîn
Min te divîya bûka yek şevî
Bînvedana piştî lez û bezê be
Lê ewrên te bê deng bûn
Birûskên çavên te jî
Bi şermokî dijenîn
Ew barana min divîya

Hîç ne barîya …

Tenê li kevî yê buharê
Hezê min diçêrîyan …

Sînga te ya nîv tazî Vînosê
Sotîgehek di cane min de
Vêdixist û
Du dilî yên te
Min bê gav dikirin
Ez bi çavên xwe dikenêyam
Û di dilê xwe de digrîyam …
Te divîya û ne divîya û
Her ku nêzîkî te dibûm
Keroşkên tirsê
Ji nav mijdankên te direvîyan
Bi lerzîna lêvên te re
Zemîn di bin lingê min de
Dihejîya û
Maçeke nîvçe
Li ser lêvê min beravêtî bû …

  Qamişlo / 15 / 3 / 2007 /

شارك المقال :

Leave a Reply

Your email address will not be published. Required fields are marked *

اقرأ أيضاً ...

Helbest: Hoşeng Osê
Werger: Alan Hemo

Memikên wê mishef û perestgeha min e,
Û destên min î dîn ku jê bêhêvî me, tim bisûndin di nîvê şevê de
Bêxilafe ji soza xwe û şan li ser memikê, bigef û tolaz e.
Ez im ê dema dibûre û bê rabûrîn
Fermana qederê lê tine, û bê ferman e.
Min tine mal ku bayê…

Mahîn Şêxanî

Û ez tenê me , ez tenê me.
Dema ku min bi tenê şer kir
Yekbûna dawî ya giyanê
Gava ku tu nikarî nêzîk bibe
Û ne tu dûr bikeve.
Û tu nikarî ji bîrbikî
Û tu nikarî wêdetir biçe
Bi xêr hatî navîna mirinê
Ku tu hêz û qeweta te têde tune. ”
Îro piştî ewqas dirêj bezê ez bi nermî dimeşim
Ji…

EBDILBAQȊ ELȊ

Sȗriya di dirêjiya dîrokê de, li ser qelșên zemînhejên polîtîkî ye, ȗ pilaktên wê yên civakî yên livîner ji mêj ve li ser wan hatine avakirin, her çend salan rastî hejandin ȗ guhertina desthilatê dihat. lê rejîma șovenist ȗ dijî mirov ya malbata Esed ku bi agir, hesin, girtîgeh, ȗ…

Ezîz Xemcivîn

Hestên Şewitî dîwana helbestvanê çalak kak Baran Heso ye.

Wêneyê bergê kevala Ehmed Heso ye…

Dîwan li weşanxaneya Ar li Istanbulê hatiye çapkirin.

Di nav pêlawazên hestên nazik û dilsozane de bi tîpên hezkirinê helbest hatine nivîsandin.

Baran Heso bi ferhengeka têr peyv sawîrên…