Krîstmas e.. Ey delala min: Krîstmas e!


Mizgîn Hesko

/ Ji bo pakrewanên me/

Ji mêj ve…
Dilên wan şar û gundan
Hînî hilma xeman
       Û destên veqetandinê
        Bûne.

Ji mêj ve…
Şîrê di pêsîrên dayikan de
Tewirî…
Spî û herî spî
Sirûdên berfînî vedibêje
Û bejnên ji dara miradê
Weriyayî
Dilop û dilop
Hûrgiliyên tabloya  pêdariyê
Dijenîn in.

Krîstmas e…
Û peyamberên gulan
Ji mêj ve
Berê xwe dane rêka çûyinê..
Û li şûn wan
Patextên dûmanê
Di piyalên meyê de
Nûqbûyî
Û bi teqeteqa leystokên agirîn ve herî mijûl…
Û li wan şar û gundan
Teqreqa top û firokan e

Krîstmas e…
Û paytextên ker û lal
Bêdeng ji şûşeyên
Bi xwînê dagirtî
Serxweş man e.

Krîstmas e..
Ey delala min: Krîstmas e..!
Ji şûna dêmên te
Gerniĵneke sava
Ber bi dara sersalê ve
Dixindire…
Êdî bi hêminî rakev…
Dê barîna gulleyan
Nazikiya bedena te
Newestînin
Dê mij û moran
Çirsîna çavên te
Venemirînin
Û ew gula ku ji destên te ketî
Û di sorekî wiha pîroz de gevizî…
Dê neçilmise.

Krîstmas e…
Erê Krîstmas e…
Cejn û sersal e
Lê Bêrîvanê neçe bêrîyê
Guhanên hêviyê
Pûç û zuha ne..!
Mêrg bi lawiran dagirtî
Gur..
Bi hiriya berxan e..!

Bêrîvanê neçe cejnê
Peyamberên gulan
Ji mêj ve
Berê xwe dane oxirê
Û li şûn xwe
Izdehakên xwînvexwer
                   Û rewanmij
Bi tenê hêlan e…?!

26.12.2023

* Bêrîvanê neçe bêriyê. Ji straneke Ciwan Haco.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…