Şehbazê partî

  Xelîl Sasûnî

Di helkefta yobîla zêrîna damezirandina partiya Demoqrata kurdî li sûriya yê, ez pêncî qevdê gulên rengînî diyarî partî bi rengekî taybet û hemî tevgera kurdî bi rengekî giştî dikim.
Helbesta min diyarî geyanî şehbazê partî, hozanê bi nav û deng, mamoste yê pêşîn, yê ku kelpîçê yekemîn di hîm û binyatê avahiya partî de bi destên xwe yê pîroz danî, “Dr. Nûredîn Zaza” dikim.

Silav ji bo te           serdarê partî
Hozanê bilind         simbola aştî
Tû rengê Diktor      Fûad û axtî
   Şahê partîzan     Nûredîn Zaza
Roja te partî           ji bo me çêkir
Navê demoqrat        te rabû lêkir
Koçka xebatê         ji kurd re lê kir
  Firî asîman           tû rengê baza
Ji bona partî:          dibûyî dûrbîn
Ji kadiran re:           dimayî hûrbîn
Li şofîniyan:            dikir te qêrîn
  Qîrên te xweşbûn   bêtir ji saza
“Eger divêtin           nebin tar û mar
Kurdî bixwînin         her gav û her car
Payîz,zivistan,         havîn û buhar
  Da hûn nebin wek:  Aşûr û Laza
Eger hun bêtir        divêtin xweş nas
Bibin bi xelkê..re     dost û hev nas
Ji Kurdan hun         bibin xweş rênas
  Dîsa bixwînin    bi kurdî aza”
Bi wî denge zîz       te bankir xorta
Dijmin divêtin          bi pesn û forta
Bo we bikolin          kortal û korta
  Da ku nêçîrkin  we rengê qaza
Ji bona hun hew      bibin giriftar
Dijmin nexwin we    rengê gurên har
Li dijmin bibin          win pêtî û ar
  J`hev bidne alî   yên pîs ji taza
Tû hatî girtin            bi çendê cara
Li”Mezzê” tu bi…     destê neyara
Li `Emmanê” tû        b `destê xem sara
Li”Musil” te dan  kaş û hevraza
Bo milletê xwe          sed jan te kêşa
Ji bo sêwîyan            tû pir di êşa
Bo xebata gel            te da sed bêşa
Ketî rojên teng       sawêr û raza
Di ber millet de          tû bûy sitem bar
Eşay di ber de           tû mayî xem xwar
Cor û cefa dît             ji dest sitemkar
Te dabû ser rê….   Li  kaş û gaza
Ey kurê Kawa            nevyê Şerefxan
Bo kurdê Sûrî             tû bûy Bedirxan
`Ubeydê Nehrî            Xanî,Seyid Xan
  “Cinef” te himbez…   kirî şehnaza
Ew ramanên te            sade ji zêr bûn
Herdem li jor bûy         Lê em li jêr bûn
Ên nijad perest            Li ber te gêr bûn
  Siyaset meda. . . . .rê jîr û aza
Li pêsiya gel                her tişt dizanî
Le ma em çibkim          me hew dizanî
Dimay tu suxtê             şêrê Barzanî
  Bo pekanîna      doz û niyaza
Pêşîwayê min              kurê Şêx Se`îd
Suxtê Barzanî              û Qadîyê şehîd
Bo kurdê Sûrî               tu newroz û îd
  Namrî.tû saxî     Nûredîn Zaza

Têbînî:

-Ev helbest, di şevbêrka ku “Partiya democrat a kurdî li Sûrî” di pêncî saliyê damezrandina xwe de li bajarê “Qamişlo” li dar xîstibû, hate xwendin.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Şîlan Doskî

Helbesta Çima! ya Nivîskar Ezîz Xemcivîn wekî pirsgeha xwedî hest û dîmen, di nava wêjeya kurdî de derdikeve. Ew pirsên ku helbest dikare ji xwe bike: “Çima ez hîn jî hebûm?” û “Çima jiyan bi awayekî tê girtin, lê divê ez bimirim?” Helbest wekî tîrêj di deriyê xewnan, hest û…

Ezîz Xemcivîn

 

Kesayetiyeka ko pir gotûbêj li ser çê bûne, pir gotegot wek pencereyekê li ber hemû bahozan vekirî be…

Dixwazim çend gotinan ji bo dîrokê derbarê evê kesayetiya Kurdperwer û hezkerê welatê xwe pêşkêş bikim…
Seydayê Tîrêj ji min re got: „di mirina Xweda ji wî razî be têkoşer Hecî Mihemedê…

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…