Daxuyaniya dawiyê ya konferansê Nûneratiya Yekîtiya Nivîskarên Kurdistana Sûriya

Nûneratiya Ewropa ya Yekîtiya Nivîskarên Kurdistana Sûriya, li roja şemiyê 3/4/2021, yekemîn konferansê xwe li ser tora Online, ji ber ku nikarî rûbirû lidar bixe ji ber rewşa tenduristiyê ya tirsnak li cîhanê ji encama belavbûna bela Korona, ku bi giranî ziyan gehandiye gelek welatên cîhanê, û hin bendên tund li her kesî hatine standin.
Şerê felaketî yê ku rejîmê li ser miletê Sûrî bi giştî û gelê Kurd bi taybetî sepand, û paşî encamên trajîk yên li pey wê, tevî ku herêmên kurdî rastî çend êrîşên terorîstî û dagîrkirina herêmî hatin, ku bûn sedemên koçbarkirina bi mîlyonên sûriyan, di nav wan de bi sedhezaran mirovên Kurd, ku welatê xwe çolkirin û penaberî welatên Ewropa bûn, ji wan bi dehan kesên nivîskar û rojnamevan, ji ber vê yekê Yekîtiya Nivîskaran xwest ku nûnerayetiyekê ji bo nivîskaran li welatê diyasporayê ava bike, bona rêxistinkirina kar û xebata nivîskaran li gorî îmkanên heyî ji bo pêşkêşkirina xizmetkariyên rewşenbîrî û zimanî, her wisa nivîskaran xwest ku konferansê xwe lidar bixin ji bo timamkirina karûbarên duyemîn kongirê Yekîtiyê yê şeş salan dereng ket ji ber amadenebûna piraniya endamên wê yên li welatên Ewropî.
Konferans bi bixêrhatina beşdaran û sirûda netewî ya Kurdî destpê kir, û her wisa amaje bi girîngiya lidarxistina konferans hate kirin, ji bo bidawîkirina xebata karê sendîkayî yê Yekîtiyê.

Pişt re komîteyek  rêveber hate hilbijartin, û tevî astengiyên kar li ser torê Online bi wê dema dirêj, lê belê Nivîskaran karê xwe berdewam kir, û hemû beşdarên Konferans wekî endamên nûneratiyê hatin pejirandin, û biryar hate standin bi pejirandina xala taybet bi nûnerayetiyê di pêrewa navxweyî de.

Herwiha çend peyam û nameyên pîrozbahiyê ji bo pîrozkirina konferans ji aliyê hin hêzên siyasî, rêxistinên civaka sivîl û kesayetiyên akademîsyen yên navdar hatin, ku di dawiya vê daxuyaniyê de ne.

Endaman bi berpirsiyariyek mezin û bi xwîşk û birayetî bendên di rojevê de gengeşe kirin, û endamên Nivîsîngeha nûneratiyê wekî saziyek berpirsiyar hate hilbijartin ji bo rêvebirina karê rêxistinî û rêveberiyê di dema pêş de.

Peyamên pîrozbahiyê:
– Partiya Demokrata Kurdistanê – Iraq (liqa 6)
– Partiya Demokrata Kurdistana Iranê / Şalyar Neqşbendî berpirsiyarê PDKÎ li Almanya
– Partiya Demokrata Kurdistanê – Sûriye (PDK-S)   – Latîf Ozdemir serokê HAK-PAR
– Ibrahîm Yosif – Yekîtiya Giştî ya Nivîskar û Rojnamevanên Kurd li Sûriyê.
– Profesor Knyaz Îrbrahîm Mirzayof, Serokê Konfederasyona Kurdên Sovyet û Kazakistan
– Hejar Şamil serokê Enstîtuya Kurdî ya li Rûsyayê
– Jiyan Ahmed, serokê Komela Dostayetiya Kurd û Alman
– Omar Koçerî, serokê Sendîkaya Rojnamegerên Kurdistan- Sûriyê
– Komeleya Kurdên Misrê / Akram Xelîl
– Şengo Nûredîn Zaza, kurê nemir Dr. Nûreddîn Zaza
– Hamed Gohary lêkolîner û dîrokzan ji Rojhilatê Kurdistan.
– Dr. Xalid Husên, rexnevan û akademîsyenek Kurd, Tirbesipî
– Înayt Dîko nivîskar û rojnamevan, Efrînê
– Abdullah Jundi nivîskar û zimanzan ji Başûrê Kurdistan.

2021/04/05
Nûneratiya Yekîtiya Nivîskarên Kurdistana Sûriya li Ewropa

شارك المقال :

Leave a Reply

Your email address will not be published. Required fields are marked *

اقرأ أيضاً ...

Elî Cefer

Berhema Dr. rojnamevan û lêkolînerê naskirî Ebdilmecîd Şêxo, ya bi navnîşana: Rolên ( Jîn. Roja nû. Ronahî ) di pêşketina bizava çanda Kurdî de, wek pirtûk ji lay weşanên ( Sersera ) – Berlin ku xudiyê wê rêzdar Dr. Beşar Mistefa ye ronî dît.

Dr. E. Şêxo di va…

Kurdistan Elî / Axin – Elmanya

 

GERDEN XALID HESEN Sindî ya kû ji Zaxo jidayik bûbû Sala 1930 çû ber dilovaniya xudayê xwe yê dilovan , GERDEN Kiye..?

Ev Şerejina kurd kû ji sala Enfala ve 1988, Jiyana xwe bi girî û Nalîn dinav Robarê Fermêska de derbas dikir , belkê ne tenê GERDEN Dayika Şehîdan bû…

EBDILBAQȊ ELȊ

Di haman dema ku șandeya kurdȋ ya hevbeș ya ku ji encamȇ konferansa yekrȇzȋ ȗ yekhelwestȋ ya kurdȋ ku 26 nȋsana derbasbiwȋ li darket hatiye pȇkanȋn xwe amade dike jibo ku ber bi șamȇ ve birȇbikeve ȗ li gel serkirde ȗ rȇberiya nȗ li șamȇ giftȗgo ȗ diyalogȇ bike. Di heman demȇ de rȗpelȇn…

Mehmûd Bedlî

Dema ku hêzên rejîma Esed ya Dîktator ji hin deveran vekişiyan û rê li ber hêzên Heyet Tehrîr el-Şam vekirin ku di nava çend rojan de Ebû Mihemed el-Culanî li koşka serokatiyê rûnişt û ragihand ku Sûrî ji zordariyê rizgar kir, her wisa gelek xelkên Sûrî jî hîs kirin…