Bozanê (Ayn Issa) di nav bazara Tirk û Rûsan de

Ebdulazîz Qasim

Bazar li ser deverên kurdî bûye xala hevbeş û lihevkirinê di navbera rejîma Sûriyê, opozisyona Sûrî, rejîma Tirkiyê û Rûsya de, û kurd dibin qurbaniyên van bazarên şer û şerxwaziyê û rêkkeftin û girêbestên wan li ser hesabê kurdan têne girêdan.
Wekî heman bazara reş ya li ser Efrînê, û paşî li ser Serêkaniyê û Girêspî bûyîn, ku îro li gel bêdengiya Amerîka û YE, bazar careke din li ser Bozanê “Ayn Issa” dibe.

Li gorî raporteke “Rewangeha Mafên Mirov ya Sûrî” ku di roja
21.12.2020`an de, civînek li gundê Şirkrakê li nêzîkî bajarokê “Bozanê”
ji bo diyarkirina çarenivîsa vê deverê di navbera efserên Rûsiya û
Tirkan de hate lidarxistin, lê heta niha tiştek nehatiye ragihandin,
hevdem ku car car şer û pevçûn di navbera hêzên HSD û çeteyên Tirkiyê de
li ser çeperên Bozanê û gundên wê bi dijwarî diqewimin.
Li gorî hin
çavkaniyên kurdî, ku civînek li ser rewşa “Bozanê” li bajarokê Rimêlan
li gel Amerîkiyan hate lidarxistin û têde Amerîkiyan got ku wan ti
pêwendî bi rewşa niha ya li Bozanê nîne, û got ku rewşa wê girêdayî bi
rêkkftina di navbera “Rûsiya, rejîma Sûriyê û Tirkiyê de ye, û heta
nivîsîna vê gotarê jî hêj tiştek nehatiye ragihandin?.
Helwestên
Tirkiye û rejîma Sûriyê ji doza kurdî xuya ne, herwisa helwesta Rûsyayê
jî xuya ye, ku Rûsya di hemû siyasetên xwe piştgiriya rejîma Sûriyê
dike, bi tenê helwesta Amerîka diyar nîne, nemaze ku Amerîka niha di
kawdanên bergihur “veguhestina deshilatê” de derbas dibe, wekî me dît ku
çawa ev kawadana demkî ji aliyê Bexdayê û ji aliyê parlemantoya wê ve
wekî frsind û derfet li dijî Herêma Kurdisanê hate bikaranîn, her di vê
çarçoveyê de, dûr nîne ku di navbera Rûsya, Tirkiye û rejîmê de
lihevkirinek hebe ji bo guvaştinan bêxin li ser HSD ji bo radeskirina
Bozanê bo rejîma Sûriyê, bi bikaranîna heman derfetê û sûdwergirtina
mijûlbûna rêveberiya Amerîkî bi encamên hilbijartinên serokatiyê û
veguhesina deshilatê, û heger Amerîka bêdeng bimîne, helbet wê rewşa
Bozanê ber bi çarenivîseke reş biçe û dibe Tirkiyê dest bi dubarekirina
dagîrkeriyeke nû li dijî Rojavayê Kurdistanê bike.
Ji aliyekê din ve,
tevlî kiryarên vê dawiyê yên li dijî ENKS’ê û şewtandina ofîsên
partiyên wê li Qamişlo û Derbêsiyê û êrîşên li ser malbatên aliyên wê li
Amûdê, lê dîsa berdewamiya diyaloga Kurdî-Kurdî ji aliyê “ENKS” û “PYD”
ve hate piştrast kirin, ku berî çend rojan ji aliyê nûnerê nû yê
Amerîka yê taybet li Sûriyê “Joel Raybrunn” di serbazeke leşkerî de li
nêzîkî Hesekê bi awayekî cuda du civîn li gel şanda ENKS û PYNKS hatin
lidarxistin, û nûnerê nû yê Amerîka tekezî li ser timamkirina piroseya
lihevhatina kurdî kiribû, û li gorî nûçeyan ku civînên duqolî bi
çavdêriya şandeke Amerîkî di navbera her du aliyan de piştî bi
dawîhatina cejn û bihnvedanên sersala nû dê careke din berdewam bibin.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Weke her car Jan Dost dilê me li xwendinê vedike. Werine baxê Romana wî ya nû.

Şahşopa Jan Dost: nêrîneke Wêjeyî li ser Şer û mitaleyên serkirdeyekî

Romana Jan Dost * Şerê General yê Dawî* berhemeke bihêz e ku bi kûrahiyeke balkêş…

Şîlan Doskî

Helbesta Çima! ya Nivîskar Ezîz Xemcivîn wekî pirsgeha xwedî hest û dîmen, di nava wêjeya kurdî de derdikeve. Ew pirsên ku helbest dikare ji xwe bike: “Çima ez hîn jî hebûm?” û “Çima jiyan bi awayekî tê girtin, lê divê ez bimirim?” Helbest wekî tîrêj di deriyê xewnan, hest û…

Ezîz Xemcivîn

 

Kesayetiyeka ko pir gotûbêj li ser çê bûne, pir gotegot wek pencereyekê li ber hemû bahozan vekirî be…

Dixwazim çend gotinan ji bo dîrokê derbarê evê kesayetiya Kurdperwer û hezkerê welatê xwe pêşkêş bikim…
Seydayê Tîrêj ji min re got: „di mirina Xweda ji wî razî be têkoşer Hecî Mihemedê…

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…