Ibrahim Elyousef
Wergêr: Mihemed Zekî mihemedî
-1-
Yê hişsivik
Ku ji nişkava
Kursiyek di “serokatiya komarê” de
Vala dît
Hine din jê re pêşkêş kirin
Xaxezên wî
Yên ne rewa û belege kirî
Jê re gotin:
Li vir rûne
Ciyê ku bavê te lê rûdinişt….!
Paşê jê re li çepikan xistin
Bi navê wî bangkirin
Mîna cemawerê impratoriya çîroka Ibsin…
Da ku wêneyên wî li her derî cî bigirin
Ew hîn dirame
Pêwîste
Ew li gotina van sewrerên xwe
Guhdar bike
Û kursî bernde.!
-2-
Rabe
Ey zorbazê biçûk
Ger balafir,
Tang,
Top,
Û çekê te yê kîmiyawî
Hemî sûriyan
Hemî sûriyan ….
Qorkir be
Lê ji min re bêje:
Tu dibê
Gelo tu dikarî hîn jî bimînî
Serok….!.
-3-
Ger tu sibehê hişiyar bî
Sûriyan ji te re got:
Em nema piştî îro di riwê te de radibin
Gelo tu bawer dikî
Ku tu dikarî
Piştî vê xwîn û
wêrankirinê
tu bimînî
serok..!
Xeyal û sawa yên ku te ew kuştine
Di oda razanê,
Di nivîsgeha te de, te dorpêç nake!
Wê li te derkevin
Di yek rêzê de
Ji kempiyûtir
Yan tilfiziyon
Yan ji malkên nivîsgeha te
Bang dike:
Gel dixawaze serok biroxe…1
