Çîroka Kurdî Ya Nûjen

Salar Salih

Gaveke balkêş e ji bal Yekîtiya Nivîskarên Kurd – Sûriya ku roja 6/6/2014 wek roja çîroka kurdî destnîşan kiriye û dê yekemîn mehrecana çîroka kurdî di wê rojê de destpêbike, ji çaxa ku min dest bi nivîsîna çîrokê kir pirsek giring min ji xwe dikir , çima çîroka kurdî tê paşguhkirin û çima mehrecanek taybet bi çîrokê nayê lidarxistin? Lê min bi xwe tu bersiv ji vê pirsê re nedidît, çimkî hertim dihate xuyanêkirin ku helbest ew ya bêtir tên nivîsandin û xwendin, û mehrecan ji bo helbestê dihatin lidarxistin ta radeyekê ku baweriyek li cem mirov çê dibe ku wêjeya kurdî tenê helbest e,û ev yek kêmasiyek mezin bû di derheqê wêjeya kurdî de, çimkî çîrokê jî cihê xwe ji mêj ve di wêjeya kurdî de girtiya di rengê çîroka klasîkî de an folklorî de mîna çîroka ( Rustemê Zal – Memê Alan … ) û gellek çîrokên dî.
Ta nuha çîroka kurdî ya nûjen hîn nenas e ji xwêneran re, û dema tu dibêjî çîrok bala wan diçe ser wê çîroka klasîkî ya ku bi hevoka ( hebû tinebû rehma xwedê li dê û bavê min û webû….) destpêdke, carekê xwendekarekî pirsek ji min kir , tu çi dinivîsî? Min got ez çîrokê dinivîsim, lê min vegerand ango tu çîrokên klasîkî ji nû dinivîse, min gotê nexêr, dîsa got tu çîrokên zarokan dinivîsî, min jêre got : ezbenî ez çîroka kurdî ya nûjen dinivîsim, mîna çîroka Erebî ya nûjen, çîroka Fransî ya nûjen,ev yek jî jiber paşguhkirina çîroka kurdî ya nûjen ku kes xwedî lê dernediket.
Ji destpêkê ez çîroka kurdî ya nûjen dinivîsim, û ez bi vî cureyî ji wêjeya kurdî mijûl dibim, çîroka kurdî ya nûjen roj bi roj pêşdikeve û xwe dide naskirin bi xwêneran, û behreyên balkêş di warê nivîsîna çîroka kurdî ya nûjen de derdikevin, tenê ezê li vir çend navên ku min ji wan re xwendîye binivîsim û di asteke bilind de dinivîsin, wek: Xalid Umer , Imran Yûsiv , Xoşman Qado , Ebas Mûsa.
 nifşekî nû ji nivîskarên çîroka kurdî ya nûjen xwedî behreyên mezin derdikeve, lê ev nifş bi pêwîstî guhdanê û navtêdanê ye, da ku karibin cihê xweyî siruştî li rex helbestê di wêjeya kurdî de bigrin û vê wêjeyî dewlemend bikin.
Li dûmahîkê, cardî ez gava Yekîtiya Nivîskarên Kurd – Sûriya bilind dinirxînim, û dê roja 6/6/2014 roja çîroka kurdî bibe dîrokeke nû ji çîroka kurdî ya nûjen re, û yekemîn mehrecana çîroka kurdî dê karibe çîroka kurdî ya nûjen ronî bike, û bide pêşkêşkirin ji xwêner û rexnevanan re,û herweha ji dezgehên ragihandinê re.

Hesekê   

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…