Xuşk û birayên hêja!Di 22 nîsana her salê de, nivîskar û rojnamevanên kurd roja rojnamegeriya kurdî pîroz dikin, çimkî ev seberat (munasebe)bûye weke rojeke çandeyî li nik wan.
Di vê rojê de, dîroka rojnameya yekemîn tînin bîra xwe û li ser rewşa wê radiwestin, bê çawa hêja Medhet Alî Bedirxan li Qahîrayê di sala 1898an de rojnameya ”Kurdistan” derxist û belavkir. Û herwiha li ser rewşa ragehandinê li cem kurdên rojava giftûgo dikin, û rola vê ragehandinê û rojnamegeriyê di civata kurdî de dipelînin.
Di vê roja pîroz de jî, pêveçûna rojnamegeriya kurdî tînin bal xwe, ku di çend qûnaxan de derbas bûye, û çawa ji Ronahî û Hawar a Dr. Kamîran û Celadet Bedirxan destpêkiriye, ta bi kovara Gulîstan a seydayê Cegerxwîn, û bi alî serdema 80ê û 90î ji sedsala bûrî de, ku komek ji kovar û rojnameyan, çi bi kurdî, çi bi erebî derçûne, mîna; Dengê Kurd, Gurzek Gul, Zanîn, Pirs, Stêr, Bihar, Mewasim, Ajrras,….td.
Wekû em dizanin, di van salên dawî de, rojnameyên kaxezî gelekî kêmbûne, çimkî a elektronî ketiye şûna wan, û malperên kurdî rola rojnamegeriyê girtine, û bûne dengê kurdan, ji wan malperan: Gemya kurdan, Welatê me, Keskesor, Tîrêj, Avesta kurd,Sobaro…td.
Ligel vê rewşê, rojnameyên elektronî jî peydabûne, mîna ”Pênûsa Nû” a Hevbendê, ku bi herdû beşên xwe, a erebî û a kurdî, belavdibe.
Li vir em jibîr nekin ku rola peyva kurdî û rojnamegeriyê di jiyana me kurdan de diyare, dema ku ziman û toreya kurdî diparêze, û pêşxistinekê ramyarî di nav civatê de peydike.
Cemawerên hêja!
Ev roja pîroz derbas dibe û hîn jî şoreşa azadiyê û rûmetê di Sûriyê de li dare, eve piştî ku zêdî du salan ji berxwedana dijî kuştina rojane û xwe parastinê didome. Di vê şoreşê de gelek ji mirovên Sûriyê çi kurd, çi ereb, ji nivîskar û peyamnêran hatine kuştin, yek ji wan endamê Hevbendê bû, şehîd Miş’el Temo. Û herwiha ta roja îro jî , gelek di zindanên rêjîmê de girtîne, mîna nivîskar Husên Îso û peyamnêr Şepal Ibrahîm. û Cegerxwein mele ehmed
Di vê şoreşê de, hevbenda me (Hevbenda nivîskar û rojnamevanên kurd li Sûriya) roleke pir giring dike, ev jî diyare ji beşdarbûna hejmareke mezin ji endamên wê bi şoreş re, çi di riya nivîsandina gotaran û beşdariya di ragehandinê de, û çi di amadekirina nûçeyan de, bo herêma kurdî û bo hemî Sûriyayê.
Li dawiya vê gotinê de, hêvîyeke mezin ji nivîskar û rojnamevanan heye, ku roleke mezintir di şoreşa Sûriyê de bileyizin, da ku em bighên azadiya xwe û mafê xweyî netewî qezenc bikin.
Bijî roja rojnamegeriya kurdî
Azadî bo girtiyên peyva azad
Hevbenda nivîskar û rojnamevanên kurd li Sûriya
20.04.2013
Wekû em dizanin, di van salên dawî de, rojnameyên kaxezî gelekî kêmbûne, çimkî a elektronî ketiye şûna wan, û malperên kurdî rola rojnamegeriyê girtine, û bûne dengê kurdan, ji wan malperan: Gemya kurdan, Welatê me, Keskesor, Tîrêj, Avesta kurd,Sobaro…td.
Ligel vê rewşê, rojnameyên elektronî jî peydabûne, mîna ”Pênûsa Nû” a Hevbendê, ku bi herdû beşên xwe, a erebî û a kurdî, belavdibe.
Li vir em jibîr nekin ku rola peyva kurdî û rojnamegeriyê di jiyana me kurdan de diyare, dema ku ziman û toreya kurdî diparêze, û pêşxistinekê ramyarî di nav civatê de peydike.
Cemawerên hêja!
Ev roja pîroz derbas dibe û hîn jî şoreşa azadiyê û rûmetê di Sûriyê de li dare, eve piştî ku zêdî du salan ji berxwedana dijî kuştina rojane û xwe parastinê didome. Di vê şoreşê de gelek ji mirovên Sûriyê çi kurd, çi ereb, ji nivîskar û peyamnêran hatine kuştin, yek ji wan endamê Hevbendê bû, şehîd Miş’el Temo. Û herwiha ta roja îro jî , gelek di zindanên rêjîmê de girtîne, mîna nivîskar Husên Îso û peyamnêr Şepal Ibrahîm. û Cegerxwein mele ehmed
Di vê şoreşê de, hevbenda me (Hevbenda nivîskar û rojnamevanên kurd li Sûriya) roleke pir giring dike, ev jî diyare ji beşdarbûna hejmareke mezin ji endamên wê bi şoreş re, çi di riya nivîsandina gotaran û beşdariya di ragehandinê de, û çi di amadekirina nûçeyan de, bo herêma kurdî û bo hemî Sûriyayê.
Li dawiya vê gotinê de, hêvîyeke mezin ji nivîskar û rojnamevanan heye, ku roleke mezintir di şoreşa Sûriyê de bileyizin, da ku em bighên azadiya xwe û mafê xweyî netewî qezenc bikin.
Bijî roja rojnamegeriya kurdî
Azadî bo girtiyên peyva azad
Hevbenda nivîskar û rojnamevanên kurd li Sûriya
20.04.2013
