Koma Narîn salnama xwe ya sala nû derxist

Welatê me
 
 Koma Narîn ya Huner û Folkulorê kurdî, salnama xwe ya sala nû (2703 K beramberê 2007 Z ) derxist .
 Salnama îsal ji şeş pelên sitûr yên destê navê pêkhatiye, her pelekî du heyv li ser singa xwe raxistine .
Pela yekê, wêneyê kûlîlkela kurd, bi cil û bergên kurdî xemilandiye û siha hêviyên wê di nava heyva çile û sibatê de, bi nêrînin hûr û kûr hevgirtine .
 Pela duwê, wêneyê sê pêrîn kurd, di rex hev de, bi şal û şapikên kurdî civat girtine, bi dilgermî û rûbiken yekrêziya miletê kurd, serhildan û omîdên wî, ber bi pêkanîna wekhevî û rizgariyê, di nava heyva avdar û nîsanê de geşkirine û serîhildane .
 Pela sêyê, wêneyekê koma Narîn bi cemawerê xwe re, heyva gulan û hezîranê rengîn kiriye .
 Pela çarê, jineka kurd rûniştiye ber kuçikê û ardûyê wê geş û xweş dikê, di heyva tîrmeh û tebaxê de karê çêkirina mehîr û şijikê dikê .
 Pela pencê, wêneyê du pîrekên kurdin, di heyva êlûn û ç-pêşîn de, ardûyê zivistanê dadikin, lodên tepikan lêdikin û xwe ji sariya zivistanê re berhevdikin .
 Pela şeşê, wêneyê keçek kurd, di heyva ç-paşîn û ber-çile de, darkên pembo didê hev û wan li pişta xwe dikê, ji tifik û tenûrê re komdikê .
 Hêjayî gotinê ye ku koma Narîn ya Huner û Folkulorê kurdî, di sala 1981ê de hatiye damezrandin, endamên wê ji keç û kuran pêktê, herweha komeka zarokan jî ser bi komê ve girêdayî ye .
 Koma Narîn, di sala 2005ê de, di festîvala yekimîn ya folkulorê gelêrî yê niştîmanî de li Sûriyê berşdarbû, ya ku li bajarê Qamişlo hatî sazkirin û ji aliyê komîta serperiştkar û nirxandinê ve hate xelatkirin . Koma Narîn xizmeta huner û folkulorê kurdî dikê, di nava bizav û çalakiyên xwe de, stran, şano û dîlanan digêrê .
 Kom ji aliyê Fêsel Ismail ve tê birêvebirin û dibin çavdêrî û serperiştiya partiya Demoqrata kurd li Sûriyê de, kar û çalakiyên xwe berdewam dikê û bi rêve diçê .

 

 

 

 

 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…

Bavê Zozanê

Îro 07.09.2025 li almanyayê, bajarê Essen ê Yekîtiya giştî ya nivîskar û rojnamevanên Kurd li Sûriyê û Yekîtiya nivîskarên Kudistanê nûnertiya Europa simînareke bi rêk û pêk bo nivîskar Luqman Silêman lidar xistin bo emzekirina du pirtûkên wî yek jê Romana Qezerceb ê bû û ya din romana Siyamend û…

Zagros Osman

beşek ji siyasetmedarên kilasîk ê kurd, nemaze yên ku hişmendiya wan di salên 1960, 1970 û 1980an de çêbûye, hîn jî li ser ya xwe ne ku hişmendiya rabirdûyê dubare dikin, mîna ku çerxa demê li wê xalê rawestiya be. siyasetmedarên navbûrî bandora kûr a veguherînên dîrokî yên 35…

Narîn Omer

Malpera “Welatê me” ji bîst salan ve û heta niha jî dana xwe ya bê hempa di warê çand û wêjeya kurdî de didomîne.
Ew yek ji wan çend malperan e ku bê navbir û behnvedan weşan û beşdarbûna xwe, hem bi zimanê Kurdî û hem jî bi Erebî…