Serê Kanyê û rûreşiya me

Qado Şêrîn

Pêşiyên me ji berê de gotine ‘’Giya di bin keviran de namîne’’. Serê Kanyê giya ji bin keviran derxist û derew û durûtiya hinan eşkere kir ku herêmên kurdan hîna rizgar nebûne, û heçê tiştekî din dibêje xewnan li ser leylanê ava dike.

Dêmek Serê Kanyê ji bo cara duyemîn ji aliyê Artêşa Azad ve tê rizgar kirin, piştî ku Pkk cara yekemîn rizgar kiribû, dêmek Artêşa Azad bajar ji Pkk rizgar kir. Cara yekemîn dilopek xwîn nerijiya, di dûv re diyar bû ku hêzên Esed hîna jî di bajêr dene û rizgarakirina ji aliyê Pkk ve mîna radestkirin û parkirinê bû.
Artêşa Azad şaşiyek mezin kir derbasî Serê kanyê bû, bû bihane ji rêjîmê re ku bi tang û top û firokeyan li malên sivîl û bêgunehan bide û zarokan bikuje.
Wek çilo Artêşa Azad mahne da rêjîmê ku li bajêr bide, her wisa Pkk mahne da Artêşa Azad ku bikeve Serê Kanyê û bajêr ji her du hêzan rizgar bike, ji hêzên rêjîmê û ji yên Pkk.
Rizgarkirina Serê Kanyê ji hêzên Pkk dikarîbû ji bo wextekê li paş bikeve, ta piştî rûxandina rêjîmê, wê wextê dê firokeyên wêranker tunebana û dê zarok, jin û kal nehatana kuştin.
Sûnc û gunehê Encûmena Niştimanî ya Kurd û Pkk di ketina Artêşa Azad bo Serê Kanyê de heye, eger wan Serê Kanyê ji hêzên Esed rizgar bikirna, mahne ji Artêşa Azad re nedima. Çi tê û bê serê me ji dû kiryarên me yên şaş e.
Di gelek xwepêşandanên aştiyane de li Serê kanyê, xelkên bajêr bang li Artêşa Azad dikirin û kêfxweşiya xwe bo hatina wan diyar dikirin, daku bên bajêr ji hêzên Pkk rizgar bikin, hêzên ku bi kiryarên xwe yên şaş xelkên bajêr mecbûr kirin ku banga xwe bibin Artêşa Azad.
Ana sê hêz di bajêr û derdorê dene, hêzên Pkk, hêzên Artêşa Azad û hêzên rêjîmê, vêga xelkên Serê kanyê divê bajêr ji her sê hêzan rizgar bikin.
Bi texmîna min serpêhatiya Serê Kanyê dê li bajarên kurdan ên din jî dubare bibe, çimkî hal û rewşa wan bajaran eynî ya Serê Kanyê ye.
Têbînî: Mixabin ta ana serok û rêberekî kurdan neçûye serdana Serê Kanyê û li wir nehatiye dîtin.

11/11/2012

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ez bi tenê rawestiyame,

Çemek ji ramanan,

Wêneyên ji sîberê di nav tevnê de,

Vedeng bêhingivtin.

Deng bi çirpekî xwe dişêlînin,

Henaseyek ji nostaljiyê,

Ronahîyek dişkê,

Xeyalên hilweşiyayî.

Bazin dizivirin,

lîstika demê,

dilopek dibare,

deng belav dibin.

Ta…

بێوارحسێن زێباری، هه‌ولێر

ئه‌گه‌ر ئه‌م ل سه‌ر ناسنامه‌ و گه‌لێ كورد ڕاوه‌ستین، دێ ئێكسه‌ر هزر و بیرێن مه‌ دێ بۆ وان شۆڕه‌ش و سه‌رهه‌ڵدانێن گه‌لێ كورد چن ئه‌وێن وان ئه‌نجام دایێ د قویناغێن جۆدا جۆدا دا بووینه‌ مایه‌ی ده‌ستكه‌فتن و ئه‌گه‌رێن هندێ كو كورد ببن خودان بڕیار و ده‌ستكه‌فێن زێده‌تر و…

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…