HÊVIYÊN TAZÎ

Xizan Şîlan

êdî pênûs
li bêdengiya perava helbestê
di xwe de fetisî
peyv
di ferhenga ziman de
ker û lal in
hevok
li çolistana giyanê
tî û birçî ne
her roj
li berbangan
nermiya sibê ya kenok
di asoyên awirên xwe de
mizdidim
bi şevê re
stêrên asîmanê
diherikin hinavên helbestên min
di koşka dilê xwe de
pel bi pel bêhna gulan
vediçinim
di xewnên bi tirs de
bi gavên şemitok
bêrawestan dibezim
li paytexta dilê min
pakrewan
govenda şadiyê
digerînin
min
kumê bindestiyê
ji serê xwe avêt
azadiyê li nav mêrgên
qefesa xwe diçêrînim
dergevanê nasnameya xwe me
rûmet
tifinga berxwedana min e
li heyverona zivistanan
pelên şaxa giyanê min
xwe dihejînin
bi teyr û bazên çeleng re
li asîmanan difirim
girêka êş û tirsê
bi neynokên dilê xwe yê dînik
vediçirînim
qurnefîlan
bi rondikên çavên dilberê
av didim
qêrîna dilê xwe yê berketî
bi awaza strana Canê aşt dikim
min
qelemê koletiyê şikand
û dîlitî bi kindirê sêdarê ve
daliqand
ez
valahiya jiyana xwe
bi hêviyên tazî
dirêsim
dineqşînim
bi xwedî û têr dikim

             2006-09-01

             Stockholm

شارك المقال :

Leave a Reply

Your email address will not be published. Required fields are marked *

اقرأ أيضاً ...

Nivîskar Konê Reş pirtûka “Cizîra Binxetê û Jîyana Rewşenbîrî” li Qamişlo imza kir. Roja duşembê 10.02.2025 Yekîtiya Rewşenbîrên Rojavayê Kurdistanê (HRRK) li bajarê Qamişlo merasîmeke îmzekirina pirtûkê bi navê “Cizîra Binxetê û Jîyana Rewşenbîrî”, ya nivîskar û helbestvanê kurd Kunî Reş li darxist.
Konê Reş rewşenbîr, nivîskar û helbestvanekî kurd e, di sala 1953an…

Zagros Osman
Endamê Desteya berê ya Aqilmendan û Serokê Navenda lêkolînên stratejîk û şêwirmendiyê Abdurrahîm Temel bû mêvanê kenala Rûdaw TV û ji bo pêvajoya nû a di navbira Tirkan û Abdullah Oçalan de Rêberê Partiya Karkirên Kurdistan PKK yê girtî axivî, û diyar kir ku 6 Vîdeoyên Oçalan hene, di destên Dewletê û DEM…

Konê Reş

Rêwiyo!

Kes weke min

Sikak û kolanên

Bajarê min nas nakî;

Ez dizanim

Kîjan meyxane li kû ye

Kîjan çayxane li kû ye û

Kîjan bazarxane li kû ye..

Tariye..

Tariyê bi ronahiyê

Naguherînim

Ez kiryarê ronahiyê…

Xizan Şîlan

her şev

hestên min yên tevzînok

di nalîna stranên keserkûr de

mest dibin

qedera sersem

li nav qermîçokên eniya min

konê xwe vegirtiye

bêşansiya salên kambax

xwe li stûyê şadiyên min

alandiye

ji asîmanên bihara rengîn

xwelî…