“Diyarî rewanê şehîdê azadiyê Mişel Temo”
Mamostecan,
Sibeha înê ye!
Tekoşîn û xwepêşindan e…
Pêtê azadiyê, rabe ser xwe milet li hêviya te ye…
Evîna şalê kurmancî,
û evîna ala rengîn e…
Rabe pêtê azadiyê rabe…
Şevengên dijmin çi ji te divên?
Şevengên Kurdan çi ji te divên?
Destê xwe hilde û dîsa qîr bike.
Şevengên Kurdan çi ji te divên?
Destê xwe hilde û dîsa qîr bike.
Li goristana te jî sawdengê te Şevengan ditirsîne…
Mîro!
Qelenê kuştina te çi bû?
Rabe pêtê azadiyê rabe…
Kê tu kuştî?
Bersivê nede!
Bila kulîlkên goristanê dîdevanên vekuştina findan nebin…
Vedenga te bilind e,
Sûlava hawara azadiyê ye…
Were canê buha were…
Were neviyê çiya,
aviya li ser rûyê giya,
navdayê spîdeyê
û hilata roja nû were… were…
Mîro!
Qelenê kuştina te çi bû?
Rabe pêtê azadiyê rabe…
Kê tu kuştî?
Bersivê nede!
Bila kulîlkên goristanê dîdevanên vekuştina findan nebin…
Vedenga te bilind e,
Sûlava hawara azadiyê ye…
Were canê buha were…
Were neviyê çiya,
aviya li ser rûyê giya,
navdayê spîdeyê
û hilata roja nû were… were…
14.10.2011
Ezîz Xemcivîn
