Ji 12 yê adarê re


Demhat Dêrikî

Bo wan rojan dema ku zayîn bi destê evîna xakê kefenan diqtîne û dilopên xwînê bi destegulên nêrgizan diyarî adarê dike

Serê vê sibehê
li kolanên melûl
li bin dilopên barana xaksor
ji êşa penaberiyê
di dibistana birînên dilê xwe de
nameyên bi xwîna te hatîn rêzkirin

dixwîn im adarê!..
Dimeşim,
bê heval,
bê hogir,
bê evîn,
bê hezkirin…dimeşim
û di navbera hevokên te de;
silava didim sêdaran,
silava didim zimanê bê wariya bê bext,
silava didim zîndanên temenxwar..
û di rê de
li ser dikên şanoya
kenên derewîn,
awirên xapînok,
peyvên xwefiroş ku di navbera memikên laşfiroşan de
piyalên noşiyê bilind dikin bersiva silavan didin!..
lê dubare li te vedigerim,
te dixwînim,
darbestên te li ser milê xwe dikim,
kenên zarokên te li lêvên xwe dikim,
sirûd û dirûşmeyên te li giyanê xwe dikim,
sibeh gulvekerên te di sibeh dilên xwe de bi cih dikim
û li bin ala te, nêrgizên ji xwînê bêhn dikim
û wî kefenî bi dengê meşa te parçe parçe dikim adarê!
Eha wê demê,
Hezkirin û evîn
ji canê min difore adara xwînê!..

شارك المقال :

Leave a Reply

Your email address will not be published. Required fields are marked *

اقرأ أيضاً ...

Elî Cefer

Berhema Dr. rojnamevan û lêkolînerê naskirî Ebdilmecîd Şêxo, ya bi navnîşana: Rolên ( Jîn. Roja nû. Ronahî ) di pêşketina bizava çanda Kurdî de, wek pirtûk ji lay weşanên ( Sersera ) – Berlin ku xudiyê wê rêzdar Dr. Beşar Mistefa ye ronî dît.

Dr. E. Şêxo di va…

Kurdistan Elî / Axin – Elmanya

 

GERDEN XALID HESEN Sindî ya kû ji Zaxo jidayik bûbû Sala 1930 çû ber dilovaniya xudayê xwe yê dilovan , GERDEN Kiye..?

Ev Şerejina kurd kû ji sala Enfala ve 1988, Jiyana xwe bi girî û Nalîn dinav Robarê Fermêska de derbas dikir , belkê ne tenê GERDEN Dayika Şehîdan bû…

EBDILBAQȊ ELȊ

Di haman dema ku șandeya kurdȋ ya hevbeș ya ku ji encamȇ konferansa yekrȇzȋ ȗ yekhelwestȋ ya kurdȋ ku 26 nȋsana derbasbiwȋ li darket hatiye pȇkanȋn xwe amade dike jibo ku ber bi șamȇ ve birȇbikeve ȗ li gel serkirde ȗ rȇberiya nȗ li șamȇ giftȗgo ȗ diyalogȇ bike. Di heman demȇ de rȗpelȇn…

Mehmûd Bedlî

Dema ku hêzên rejîma Esed ya Dîktator ji hin deveran vekişiyan û rê li ber hêzên Heyet Tehrîr el-Şam vekirin ku di nava çend rojan de Ebû Mihemed el-Culanî li koşka serokatiyê rûnişt û ragihand ku Sûrî ji zordariyê rizgar kir, her wisa gelek xelkên Sûrî jî hîs kirin…