(Çend agahî ji Ehmedê Huseynî) re

  Şepal Hêvo  
Shepalhevo@live.de 

Çaxa tarîbûn bi ser xêzên rûpela te de dirije, lêvên te ji axeftinê koç dikin…

Ev rojên zigurd di şivarêkên henasên me de bela-wela dibin.Hin ji çavên gotinê û hin ji himbêza  navdariyê, ev rastiya ku ji  keçkanî ketiye, ev rastiya ku hîn jî xwe ji bo zarokên ku di zikê demê de dîl bûne xwe bi arzanî dide. Û hîn jî yên birêz qamika  pênûsên xwe bi topiskan paqij dikin.
Bila peyvên  kulek xwe bi qurbana wan zarokên ku di helbestê de  ji serma bêjîbûnê dibine hilmek û di asîmanê nivîsandinê de çengên xwe diyarî me dikin, bila bi qurbana wan leşkerên ku pasvaniya sînorên afirandinê dikin, bila bi qurbana pêlavên wan bibin.
Eger ji dergehê Felsefeya Kant, Dîkart, Firoyd, Hîgil, Markis û toreya cîhanê tu delîveyên bazdan û  revê bibînî, ez ê te bi bejna gotinên te  bidarve bikim. Û eger dixwazî bibêjî: Xwendevanên birêz, û xwe bikûzînî û çîrokeke bombekirî di guhê wan de biteqînî, bizane ew xwendevan ne yê ku di qurtekê de di zengelorka ragihandinê de tête xwarê.
Ev gengeşeya arzan, lawaz  û pîs, Çarçiya U’kaz û devavêtina Cerîr û Ferezdeq tîne bîra me, ango ez dikarim bibêjim: Hîn jî bandora zimanê erebî û bi taybetî beşê herî daketî ji toreya wê li me dibe, lê bi carekê wê dibîne mertalê rexneyê yê resen. Û ji bo nav û kursiyên xwe dikarin her kurdekî ji xewê şiyar bikin û jê re çîroka xwe pîne bikin.
Gelo di van her du mehên bûrî de çend nivîskar û çend siyastmedar ji nav me koç kirin? Gelo kesî navê Me’rûf Xeznedar li ser ekranê malperên kurdî dîtin û li ser keda wî axifîn? Ev tev de ji me re ne gerek bû, filankeso sergovendî girt bêvankeso bû mêvanê wê Tv yê û ta b.d, her kes di baweriya xwe de ku ew lehengê dastanekê yê, lê çawa û çilo ew nizane.
Ev kesê ku ji mêj ve dest bi vekirina dibistanên balkişandin û vebûnên şaristanî kiriye, nikare gotarekê li ser aloziyên ku dibine astengî li ber damezirandina pêpelûka yekemîn di toreya kurdî de binivîse, ha hooooo qey nikare bi wê standerbûna ku xwe pê paye dike, hinekî ji xwe daxe û li ser toreya Firansî , Rûsî, Elemanî, biaxife, yan jî li ser keda hin nivîskarên cîhanê yên ku bûne hêman û egera xwendinê binvîse. Na tenê parastinên kesayetî jê re gerek in.

Bi vê rewşa jihevketî û bi van mijarên xûz ev çanda adînoş berê xwe dide devera ku hîn jî li wir xemên xwe distre û pê kilorekê ji mirinê re çê dike, û di dawiyê de lêbûrîna xwe ji xwendevanên birêz dixwazim ku min berê vê babetê berfirehtir nekir û min nexwest ew gotinên nazik bedewbûna xwe winda bikin.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Weke her car Jan Dost dilê me li xwendinê vedike. Werine baxê Romana wî ya nû.

Şahşopa Jan Dost: nêrîneke Wêjeyî li ser Şer û mitaleyên serkirdeyekî

Romana Jan Dost * Şerê General yê Dawî* berhemeke bihêz e ku bi kûrahiyeke balkêş…

Şîlan Doskî

Helbesta Çima! ya Nivîskar Ezîz Xemcivîn wekî pirsgeha xwedî hest û dîmen, di nava wêjeya kurdî de derdikeve. Ew pirsên ku helbest dikare ji xwe bike: “Çima ez hîn jî hebûm?” û “Çima jiyan bi awayekî tê girtin, lê divê ez bimirim?” Helbest wekî tîrêj di deriyê xewnan, hest û…

Ezîz Xemcivîn

 

Kesayetiyeka ko pir gotûbêj li ser çê bûne, pir gotegot wek pencereyekê li ber hemû bahozan vekirî be…

Dixwazim çend gotinan ji bo dîrokê derbarê evê kesayetiya Kurdperwer û hezkerê welatê xwe pêşkêş bikim…
Seydayê Tîrêj ji min re got: „di mirina Xweda ji wî razî be têkoşer Hecî Mihemedê…

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…