Gotina Komîta birêvebir ya Partiya «Yekîtî» di çilrojiya birêz Ismaîl Umer de

  Xwişk û birayên hêja…
Dostino, hevalino…
Beşdarên birêz…
   Hûn tev bi xêr hatin û ti te,iliyan  nebînin.
   Eve bîranîna çilrojiya serokê parta me heval Ismaîl Umer e, yê ku piraniya we ew nas kiribû, ne ku serokê partiyekê bû û hew, lê belê, mirovhezekî bihinfereh, nefisbiçûk, cefakêş û hişmend bû, xwedî nirxên dostaniyê û rastgo bû, lewre jî, berketiyên rehmetî gelek bûn û em Karin bêjin bi deh hezaran bûn.
   Ji bilî heval û hogirên rêxistinên parta wî li Sûriyê û li gelek welatên Awropî jî, bi hezaran ji biraderên Ereb, Siryan-kildo Aşûr, Çerkez, Ermen û Turkmen jî berketiyên mamoste Ismaîl bûn.
   Birêketina bi hezaran xelk ji bajarê Qamişlo ta gundê Qereqoyê li pey cenaza rehmetî, name û birûskên sersaxiyê yên ku ji derve û hundir bi ser me de herikî bûn, serdan û beşdarbûna ewqas ciwanik û camêr li bin konên sersaxiyê û li encûmen û civatên sersaxiyê yên ku li gelek welatên derve hatibûn lidarxistin, bêguman nîşana gelek tuştên buha û bi wate bûn.
   Di vê bîranînê de, hêjaye bête zanîn ku xebat û siyaseta Parta Yekîtî ya Demokrat a Kurd li Sûriyê, weke çawa hatibû naskirin, herweha jî, dê berdewam û li saz be.
   Ew nirxên mirovane, nirxên xebata bona Aştî, Azadî û Wekheviyê, yên ku heval Ismaîl û gelek nemirên mîna wî pê dihatine nasîn, her dê berçav û li ber me bin û bi vî hawî emê wefadar bin.
   Bi navê Komîta birêvebir ya Parta Yekîtî ya Demokrat a Kurd Li Sûriyê, em sipasiya we hemiyan dikin, rêz û hurmet ji beşdarbûna we re, ji nûnerên Encûmena Siyasî ya Kurd re, ji Rêxistina Asûr a Demokrat û Danezana Şamê re, ji Parta hevpişt Parta Pêşverû, Encumena Giştî ya Hevbendiyê û kesayetiyên serbixwe re, ji nûnerên hemî rêxistin û partiyên Kurd, Ereb û yên Komonist re, ji rewşenbîr, zimanhez û komîteyên mafêm mirovan re.
Hûn bimînin di xweşiyê de û sipas ji guhdariya we re.

Qereqoyê : 26.11.2010Z
Komîta birêvebir ya

Partiya Yekîtî ya Demokrat a Kurd Li Sûriyê

شارك المقال :

Leave a Reply

Your email address will not be published. Required fields are marked *

اقرأ أيضاً ...

Elî Cefer

Berhema Dr. rojnamevan û lêkolînerê naskirî Ebdilmecîd Şêxo, ya bi navnîşana: Rolên ( Jîn. Roja nû. Ronahî ) di pêşketina bizava çanda Kurdî de, wek pirtûk ji lay weşanên ( Sersera ) – Berlin ku xudiyê wê rêzdar Dr. Beşar Mistefa ye ronî dît.

Dr. E. Şêxo di va…

Kurdistan Elî / Axin – Elmanya

 

GERDEN XALID HESEN Sindî ya kû ji Zaxo jidayik bûbû Sala 1930 çû ber dilovaniya xudayê xwe yê dilovan , GERDEN Kiye..?

Ev Şerejina kurd kû ji sala Enfala ve 1988, Jiyana xwe bi girî û Nalîn dinav Robarê Fermêska de derbas dikir , belkê ne tenê GERDEN Dayika Şehîdan bû…

EBDILBAQȊ ELȊ

Di haman dema ku șandeya kurdȋ ya hevbeș ya ku ji encamȇ konferansa yekrȇzȋ ȗ yekhelwestȋ ya kurdȋ ku 26 nȋsana derbasbiwȋ li darket hatiye pȇkanȋn xwe amade dike jibo ku ber bi șamȇ ve birȇbikeve ȗ li gel serkirde ȗ rȇberiya nȗ li șamȇ giftȗgo ȗ diyalogȇ bike. Di heman demȇ de rȗpelȇn…

Mehmûd Bedlî

Dema ku hêzên rejîma Esed ya Dîktator ji hin deveran vekişiyan û rê li ber hêzên Heyet Tehrîr el-Şam vekirin ku di nava çend rojan de Ebû Mihemed el-Culanî li koşka serokatiyê rûnişt û ragihand ku Sûrî ji zordariyê rizgar kir, her wisa gelek xelkên Sûrî jî hîs kirin…