Birêz Mihyedîn Şêx Alî digel paltokê bi cîgeha Şevger re

Xemxwarê welêt

Piştî min li ew çend kîteyên devkî yên bersivî yên mamoste M.Ş.A di paltokê de , bi cîgeha Şevger re guhdar kir . Herweha ew çend nirxandinên ji wê axaftinê re, yên mamoste Mihemed Se,îd Alocî û Cankurd jî xwendin; Min dît , ku pêwîste ez hin bersivên mamoste Ş.A  û nirxandinên herdu mamostên li jor bi nav bûne û ew wergerandina erebî ya wan bersivan , bi çend têbînan binirxînim.
     Bi rastî pirsên ku ji mamoste Ş.A hatine pirskirin ne xuya ne , lê ji bersivan mirov têdighê , ku pirs çi ne ?.Mamoste weha bersivên pirsa dirêse : 1- Ala Sûriyê , ala me ye jî , em rêza wê digrin û diparêzin , û em ne bi çirandin û binpêkirina wê re ne , wek ku hin dixwazin bi wî awayî licûyê yan bicikirinê werbigirin . 2- Çareserkirina pirsa netewî ya Kurd li Sûriyê di siya vê  heyam û rijîmê de ne gengaze . Lê, gengaz heye em bi hev re wek Tevgera Kurd li Sûriyê digel hêzên niştimanî , ji vir ta çend  salên bê , kanibin ew çewtiyên dîrokî ku,  di dermafê gelê Kurd de kiriye serast bikin . Wek nimûne : Kembera erebî , serjimara awerte , hilanîna erebkirinê,….û H.W.D. 3-Di bikaranîna têrmên mîna tayifî û diktatorî , me di belge û weşanên xwe de bi kar nanîne. Lê em dibînin rijîma Be,is rijîmeke nijad û giştî ye , mîna rijîma Çawsîsko li Romaniya  û rijîmên li Rojhilatî Ewropa. Guherînên em dozdikin , guherînên demoqrat û li dû hev, Kurd û Ereb bi hev re , û li ser şopa Danezana Şamê . 4-Ez ne bawer im wek kes, otonomî û federalî, li Sûriyê dirûşmên xebatê ne , tenê şaşiyên dewletê yên dîrokî,di dermafê gelê Kurd de, di van çend salên bê de, bi xebata me tevan , çi siyasetvan û rewşenbîrên Kurd ,gengaze ji holê rabin . Herweha ez bawerim ,ku rêvebirên partiyên Kurd gihane zanîna ku xebat ne tenê bi hildana dirûşman e û hew. Ya rast ew e , ku dirûşmê were hildan , divê li derve û hundir , mirov lê xwedî derkeve . 5-Taybetmendiyek rewşa Kurd li Sûriyê heye . Em tu Kurdistana li Sûriyê çênakin. Em wek partiya Yekîtî ya Demoqrat a Kurd li Sûriyê , pirogrameke me rêzanî , zarzimanek û ragihandineke me berpirsiyar heye. Herweha em naxwazin bi du rûyan, du zimanan û minafiq bin. Em wek P.Y.D.K rêza serokomar digirin, herweha em jî, û ez bawerim partiyên Kurd ên dî jî , çi daxwazên xwe hebin , ew ji serkomar doz dikin.
  Ji van bersivên mamoste dixuye ku ew bi tevayî, li gor pirograma rêzanî ya  P.Y.D .K axivî ye .Lê di baweriya min de , li hin ciyan şaş çûye. 1– Kembera erebî,serjimara awerte , erebkirin …..ne şaşî ne , ew siyseteke pilankiriye , û ji bo tunekirina gelê Kurd e .2-Raste çirandina ala Sûriyê   tiştekî şaşe û zirar jê heye , lê , ne her kesê ku diçirîne keysebaze û dixwaze li welatê   lê , pê were bi cikirin.Di baweriya min de ne hewcebû mamoste ev gotina dawiyê bigota .3– Gereke serokomar  ciyê rêzgirtinê be, lê , ew di ber van ton siyasetên bi ziyan di derheqê xelkê Sûriyê bi tevahî û ya gelê Kurd de bi taybetî ,  divê berpirsiyar be jî.   4-Yanê mamoste hin caran ji bîr dike ku sekretêrê P.Y.D.K de , û axaftina wî ji bo ragiyandinê ye , û têrmên şaş ku bi kar tîne ziyanê dighîne siyaseta partiya wî û doza Kurd li Sûriyê.
    Herdu mijarên rexneyî yên herdu mamostên ku li jor bi nav bûne, di baweriya min de ,ne ji bo serastkirinê bûn . Ew ji bo kulandina Şêx Alî û partiya Yekîtî bûn . Min bihna kîn û zikreşiyekê ji herdu mijaran kir. Herweha bêberpirsiyarî ji helwest û nirxandinên wan hildikelî.
Zatirê wergerandina erebî yê ku bixwîne , û ew bersivên bi kurdî nebihîstibin , wê wêneyeke ne baş li ser xwediyê bersivan û partiya wî bibe . Ji ber ku pir hevok yekcar bervajî hatine wergerandin.

Jêder:  rojnama Newroz – hejmar 90

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…