Serjimar

CIWAN DÊRIKÎ

-Hatin ji bo hijmartinê
Pîvane tev qad û zevî
Nasname dane çêlekan

-çar-pênc hezar sal şîn li vir
Dol û şihar avî dikir
Her bo jiyanê bûme pir
Dawî  e”mame ber kevî
-ajotine l”ser min çete
Jev parkirim , bûm qetqete
Cotarî  najo yek xete
Bê pare ta nevyê nevî
-çand û ziman sêdar kirin
Nandoz bi min navdar kirin
Koçber , biyan û jar kirin
Bin tirsê bejna min çivî
-na na , ne hijmartin tenê
Sed rengê çews û kuştinê
Ez kirme aşê hêrtinê
Pê min dixun ew hingivî
-va min temen bû heft û çil
Ev penceşêr naçê ji dil
Şeht û şilim , bê dest û mil
Hana mi nayê j”yek devî
-ez wek meha çardeh şevî
Bûka ji dest zava revî
Bûm kûviyê çol û devî
Hestê birakî na livî
-min najimêr , nakê bira
Şoven Hilal ,  kurmê ber a
Zîvare konê min çira
Bin bager û bin bandev î
-tevna mi nahûnê çima ?
Kalek di sêryanê nema ?
Ev ax dizêt zox û xema
Kengî spîdê derkevî ?
-şînbê bihara xwîniya
Geşbê gulistana diya
Sêwî mezin kin hêviya
Min qad divê  , min jîn divî