Şîna lîzevanê bi nav û deng: Heysem Kiço

Ezîz Xemcivîn

Dîsan dilê min
nale nalê dike;
vê êvarê çeleng û Çikçikanê
Yana Cîhad ji nav me bar dike..!!

Li bavê Felek dibe mêvan,
li ber tembûra wî 
goga xwe bilind û dûr davêje,
stêran şiyar dike…!!
Ji nişka ve 
dengê stranekê tê
“nalînek tê guhê min,
lê winda û nehan e…
agir berda dilê min,
tev bû pêt û duxan e”

Lîzgeh li ber te ye
bi lingê polayî
ji mîrata basê
wê gogê bivirîne..!!

Bela bavê Felek ne xeyide,
bêje bilbilê xemgîn bêje

“feryad û sed ax û eman” bêje
heyfa evî emrê ciwan” bêje…!!

Mêvanê te şêrîn e.
Mêvanê te zava ye 
govenda wî xweş bigerîne… !!
heger tu karibî 
dengê xwe bigihîne ” Lava “
dizanim wê gelekî 
li hêviya bavê xwe bimîne…!!?

Ey Qamişloka wêran
geh tu xemgîn î, 
geh  tu xemgîn î, 
û geh tu xemgîn î… !!?
ma tu ne westiyayî..??
evqas em barê te giran dikin,
birînên te pir bûne 
stêrê Yana Cîhad jî tev li wan dimîne… !!

Dayê ne tu tenê xemgîn î 
bi hezaran dayikên xemgîn
agirê dilê xwe 
weke temaşeya Sînema Amûdê
li gel te bibîr anîne  … !!

Qamişlokê
gava darbesta zavê te hat,
bi gulan xemilî bû; 
gula herî xuyanî 
Bavê Lava bi xwe bû… !!

Dengê stranê û reşbeleka malik wêran  
ji Dêra Zorê heya bi dilê te 
asman û zemîn 
ji ber hejiyan…!!

Koça dawî bû deqê lîzevanan
ew mûma bi ronî 
mixabin zû vemirî… !!?    

25/10/02

Dubey

شارك المقال :

Leave a Reply

Your email address will not be published. Required fields are marked *

اقرأ أيضاً ...

Elî Cefer

Berhema Dr. rojnamevan û lêkolînerê naskirî Ebdilmecîd Şêxo, ya bi navnîşana: Rolên ( Jîn. Roja nû. Ronahî ) di pêşketina bizava çanda Kurdî de, wek pirtûk ji lay weşanên ( Sersera ) – Berlin ku xudiyê wê rêzdar Dr. Beşar Mistefa ye ronî dît.

Dr. E. Şêxo di va…

Kurdistan Elî / Axin – Elmanya

 

GERDEN XALID HESEN Sindî ya kû ji Zaxo jidayik bûbû Sala 1930 çû ber dilovaniya xudayê xwe yê dilovan , GERDEN Kiye..?

Ev Şerejina kurd kû ji sala Enfala ve 1988, Jiyana xwe bi girî û Nalîn dinav Robarê Fermêska de derbas dikir , belkê ne tenê GERDEN Dayika Şehîdan bû…

EBDILBAQȊ ELȊ

Di haman dema ku șandeya kurdȋ ya hevbeș ya ku ji encamȇ konferansa yekrȇzȋ ȗ yekhelwestȋ ya kurdȋ ku 26 nȋsana derbasbiwȋ li darket hatiye pȇkanȋn xwe amade dike jibo ku ber bi șamȇ ve birȇbikeve ȗ li gel serkirde ȗ rȇberiya nȗ li șamȇ giftȗgo ȗ diyalogȇ bike. Di heman demȇ de rȗpelȇn…

Mehmûd Bedlî

Dema ku hêzên rejîma Esed ya Dîktator ji hin deveran vekişiyan û rê li ber hêzên Heyet Tehrîr el-Şam vekirin ku di nava çend rojan de Ebû Mihemed el-Culanî li koşka serokatiyê rûnişt û ragihand ku Sûrî ji zordariyê rizgar kir, her wisa gelek xelkên Sûrî jî hîs kirin…