Rola rojnamegeriyê di jiyana miletê kurd de

Melevan Resûl

Rojnamegerî di hemî çax û deman de bi roleke aktîf  rabûye û hoyên civakî û siyasî di jiyana miletê kurd de nişan daye , govar û rojname di serdemên kon û tarî de karin e delîveyên herî baş di ronakbîriya civakî û siyasî de bixebite û dergihek fereh di perwedekirina zanîn û xwendinê bi taybet bi zimanê kurdî  belav bike , ev erkê giran dikete ser milê rojnamegerên kurd da ku karibin çanda netewî ber bi pêşve bidin û girseyên milet hişyar bikin , ji layê konevanî ve û hem ji layê naskirina toreya kurdî ve , gavin mezin hatin avêtin , piraniya helbestvan û nivîskaran karîn ramanên xwe raxin ser rûpelên wan , hin têbînî û hin pêşniyar bûn , sûde ji serpêhatiya miletên biyanî wergirtin û ew ji xwe re dikirin mînak , ji layê bizav û xebata çandî û hunerî ve , û li rexê dinê tekoşîna ji bo qizinckirina mafê netewî bû .
 Her çendî xebatkar ne kawir û pisporê vê saziyê bûn jî , lê wan bandorek berfereh di nava civakê de kirin , di du astan de xebat dihate kirin , eva jî hêviyek mezin û bawerîke xurt di nava pirraniya milet de çand .
Belavbûna hejmarek rojname û govarên kurdî asoyên fereh peyde kirin û serencamek di rewşa çandî de eşkera bû  , ev karê pîroz ne bi hêsanî pêşve çû , her demî rojnamegêr di bin gefxwarin û qedexekirinê de ne , li seranserî welatê me lisansa weşanê ji tu pirtûk , govar û rojnameyan re nehatiye dan , ji bilî rojnameya dewletê ya fermî tu rojnamegeriya azad yan opezesyon peyde nabin , di çend salên borî de goşeyek ji bihnvedana rojnamevaniya kurdî re hebû , ango çav jê dihate girtin , lê dezgehên ragihandinê îro pirr bûne û nema mirov li benda rojnamegeriya kaxetî ya qedexe dimîne ,  alavên teknîka nûjen ew sînor derbas kiriye , îro bi dehan kenalên bi zimanê kurdî weşanê dikin û bi sedan malperên kurdî hene , heger dilê rêveberiya wan dezgihan hebe , ew dikarin hemî ragihandin û babetên çandî û hunerî û civakî li gor rastiya wê bixweşînin , cihê daxê ye em bêjin ku hîn ev alavên teknîkî di nava destê mede , di bin bandora hêzên paretiyan de man e û gelek nivîskar û rojnameger ji nedîtî ve têne dîtin , serada partiyan li gorî stratîciya rêxistinan hilbijartina xwe dike .
Tişta herî kirîtîk di nava van alavên teknîkî de ewe ku hîn têkilhevî di ravekirina nivîskar û rojnameger de heye , ji ber ku karê rojnamegeriya bi kawir hîn li seran serî welatê me û di çar parçên kurdistanê de ne rûniştiye , heger li başûr hebe jî lê ew qels û kêmketî ye .
Xala herî giring di weşanên pirtûk û rojnameyan de ew xemsariya ji çand û zimanê kurdî re çima heye ? nemaze perwerdekirina çînên civakê mîna zarok û ciwanan ne di hiş û bîra kesî de ye , pirraniya weşanên xuya yên partiya ne û bi zimanê biyanî ne , em dizanin dibîstanên fermî ji bonî perwerdekirina çand û zimanê kurdî qedexe ne , heta bi qorsên perwerdekirinê di cihê xwe de rawesta ne .
Xuyaye ku partiyên kurdî li nav û dengê xwe digerin , doza milet di rêza duyem tê , ma ne seyre dema em dibêjin ku hejmara miletê kurd li başûrê rojava xwe dighîne 3 melyonan û 16 partiyên wî hene , heyf û mixabin hemûyan li ser hev nekarine dezgiheka ragihandinê yan perwerdekirinê saz bikin . hemî partî di seranserî cîhanê de bi saziyên xwe mezin dibin , lê ka em kurd xwedanê çend sendîka , sazî , komelgeh û yariyan e ?.       
Dema em roja rojnamegeriya kurdî pîroz dikin , pêwiste em wefadar bin bi xwedanê xama zêrîn yê ev roj ji mere bi navkirî ( mîr Miqdad ) û malbata Bedirxaniyên ku pêşîvan bûn û xwedan ked û westan bûn di warê weşan û pênasîna tore ,ziman û çanda kurdî de .
Di vê roja pîroz de ji hemî rewşenbîr û nivîskar û rojnamegerên kurd tê xwestin ku wê şopa pîroz bernedin û her yek di hindama xwede têkildar be bi çand û zimanê kurdî re , hevcotî tore û çanda cîhana pêşverû ya ku me bi miletê dinyayê dide nasîn ,
Bila ev delîve me serderî cîhanê bike û miletê kurd fêrî çanda wî ya netewî bike , hingî emê karibin bi serbilindî bêjin ku me sazî hene û rojnamegeriya kurdî heye .  

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…