Xizan Şîlan
ez çûm serlêdana Tehranê
min pêşkeş kir
helbesta Ehmedê Xanî
rûniştim li quncikê meyxanê
li ser bîranîna Omer Xeyam
şûşeke mey vexwar
di ber min re derbas bû Ehrîman
bi fîstanekî qedîfe û qeytan
got; navê min Ayetûllah
lê çima hatim daleqandin
li ser navê Allah û bismîllah?
ez çûm serlêdana Şamê
pêşkeş kir destana Zîn û Memê
min vexwar ava zemzemê
ji xwe derbas bûm wê demê
ez xuşiyam mîna maran
hilkişiyam ser dara xurman
min xwendin û xitim kirin
Tevrat, Zebûr
Încîl û Qûran
lê çima hatin min bi gezan
mîna kefter û guran?
pêşkeş kir destana Zîn û Memê
min vexwar ava zemzemê
ji xwe derbas bûm wê demê
ez xuşiyam mîna maran
hilkişiyam ser dara xurman
min xwendin û xitim kirin
Tevrat, Zebûr
Încîl û Qûran
lê çima hatin min bi gezan
mîna kefter û guran?
ez çûm serlêdana Bexdayê
min got; ez kevok im
kevokê azadî û aştiyê
ez gerok im
gerokê eşq û dilşadiyê
li Welatê Rojê
li ser axa Cîhanê
digeriyam bost bi bost
ne bejindirêj man
ne jî bejinbost
lê çima li vê cîhanê
kes ji min re nebû
heval û dost?
min got; ez kevok im
kevokê azadî û aştiyê
ez gerok im
gerokê eşq û dilşadiyê
li Welatê Rojê
li ser axa Cîhanê
digeriyam bost bi bost
ne bejindirêj man
ne jî bejinbost
lê çima li vê cîhanê
kes ji min re nebû
heval û dost?
ez çûm serlêdana Enqerê
soz û peyman birin ji Amedê
min destê xwe dirêj kir
bi aştî
biratî
dostî
û mêvantî
min ew rizgarkirin ji bindestî
lê çima
serê sibê hê ez li seferê
derdora min rapêçandin
zimanê min girêdan bi kemberê
gulle li min barandin
cendekê min avêtin bênderê?
soz û peyman birin ji Amedê
min destê xwe dirêj kir
bi aştî
biratî
dostî
û mêvantî
min ew rizgarkirin ji bindestî
lê çima
serê sibê hê ez li seferê
derdora min rapêçandin
zimanê min girêdan bi kemberê
gulle li min barandin
cendekê min avêtin bênderê?
ey mirovahî!
ji çerxa feleka qehpik bipirsin!
ji serdemên dîroka rûreş bipirsin!
çimaaaa…?
ji çerxa feleka qehpik bipirsin!
ji serdemên dîroka rûreş bipirsin!
çimaaaa…?
2004-09-09
Stockholm
