Dilê min bo te Duhok a min

Gulnar Elî

Rûyê şîn,
mija spêdê,
şikestina çavên te,
sotina hetavê,
tabûta zarokatiya min
    ser milên xwe helgirt.
Pey taziya xewnên min
çûçk û zarok,
sîbera ferzindeka mirî dişûn.
biken û girya xwe,

kolanan vedmalin.
Dilên niyas dibînim
dêmên neniyas
zarokê kal neniyasî
Bûrîn.

Çentka wêne û kartên hevala
bi milê çepê ve
xwe bidavên dil girêda.
tikêta firokê bi xurtî
xwe bi serên tibla şehdê û beranî vegirt.
Dêmên xelkî di nav xerecirê de,
hemî wek hev in,
lêvên biken
firîna kevoka
çav belavoka strana.

Tinê ez ya biyanî me

ne wekî kesê

biyanî li derve û jor

li ser sinora û dûr.
 
Rabîna firokê ji Hewlêr
dilê min revand û bazda
ji bo bizivrît…
Dilê vekolayî ser tabîta diltengiyê
te kir bû pelatinkeka rengîn.
Şîn kirin
hewes û perdavên şîn

nexşîn roj.

Barana payîzê, şûştim

Bi germa xem û xweşiyan…
gehiştînêk ji bo jêk dûrkevîn
çi bibe, bila bibe!

noke min bibe def xwe

dizanim kuçkirna min çarenûs e,
 her wekî viyana min
dizanim ku şevên min dirêj in.

Girî dê davên xwe rêsît

xweşiya evro, xema sube ye

xema evro, kenyada sube ye.

Di dozexa xwe ya şox û şeng

min hembêz bike.

Dilê xwe dê bo te hêlim,

barkem dûr,

dûr zeman

dûr zemîn.

Fêrî derbederiyê û koçkirinê bûm,

fêrî elfebêtkên Teniyayê û xemokiyê bûm,

fêrî nalîna şevên bêdar bûm.

Di bajarên pêşesazî de

beringarî şevên xwînmêj bim

bi dilê trumpa xewa bê êş.

pişta xwe bidim paşe rojê

bila çavên min ser rojên reviyayî
 helawîstî bimînin.

Gulnar Elî
23-6-06
Duhok

Nikirin 16-8-08

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ez bi tenê rawestiyame,

Çemek ji ramanan,

Wêneyên ji sîberê di nav tevnê de,

Vedeng bêhingivtin.

Deng bi çirpekî xwe dişêlînin,

Henaseyek ji nostaljiyê,

Ronahîyek dişkê,

Xeyalên hilweşiyayî.

Bazin dizivirin,

lîstika demê,

dilopek dibare,

deng belav dibin.

Ta…

بێوارحسێن زێباری، هه‌ولێر

ئه‌گه‌ر ئه‌م ل سه‌ر ناسنامه‌ و گه‌لێ كورد ڕاوه‌ستین، دێ ئێكسه‌ر هزر و بیرێن مه‌ دێ بۆ وان شۆڕه‌ش و سه‌رهه‌ڵدانێن گه‌لێ كورد چن ئه‌وێن وان ئه‌نجام دایێ د قویناغێن جۆدا جۆدا دا بووینه‌ مایه‌ی ده‌ستكه‌فتن و ئه‌گه‌رێن هندێ كو كورد ببن خودان بڕیار و ده‌ستكه‌فێن زێده‌تر و…

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…