Payîzeke şîn, pirtûka siyem ya helbestvana hest nazik Tirîfa Doskî ye.Ev dîwan ji aliyê (Yekîtiya Nivîskarên Kurd – Duhok) hatiye çapkirin.
Hêjayî gotinê ye, Yekîtiya Nivîskarên Kurd – Duhok heta nuha 135 pirtûk çapkirine.
Payîzeke şîn, 31 helbestan dinimîne, li bin van navûnîşanan:
Heyran, Namek, Gaveke bê wext, Hewar, Tu û şev, Peywendiyên min, Pirsiyar, Werzekî tijî, Duhok, Xewneke baranî, Welatê bêwejinekê, Jinek, Dalehî, Payîz, Şeveke hişk, Rehend, Hergîz, Du`a, Bê min, Şerek spî, Simfonî, Jimare, Awazek şaî`ran e, Mêyek û jimare, Çend henasek, Me wekû piyawekanî şarekem mebe, Hêvînê şevan, Valantayin, Çend awazek, Deh xewn, Salek ji avê.
Xerîbî:
Şev dibûrît piştî te û her gavek çerxek e.
Tenahiya xwe hemêz dikim,
her şev hizra dilê xwe dikim.
Min tu bi destêd xwe mezin kirî,
gorî te bim,
tu ji mijûlankêd min nêzîktir î
Were di nava wan de
xem û xerîbiya xwe bîne û têr binive di çavê min de.
Gorî te bim,
bê sermedî jiyan biyabaneke tijî strî û dirî ye.
Gulêd min bi derzîkêd wan birîndar dibin.
Cihê te vala ye,
dilê min disojît.
3/8/2008
Avestakurd
E.X
