Bi Sedên Salan e Gelê Kurd li ber xwe dide, dixwaze wek hemû Miletên dunyayê bi hêminî, armî û serbixwe bijî.Gelê Kurd aştîxwaz e û tu caran naxwaze kotekî û zorê li tu kesan bike.
Nameya Kurdan ji Cîhanê re li gora hemû yasa û rêdan û destûrên ko ji Netewên Yekbûyî û Encûmena Asayişa Navnetewî derketine, her Miletekî ko li ser axa xwe ya dîrokî dijî xwedî ziman û kultûrekî taybet e, ji mafê wî ye ko Welatekî wî hebe… Gelo çima em ê ji wî mafî bêpar bin?
Birayên Tirk, Faris, Ereb, Aşûr, Kildan, Siryan û Ermenî, Em destê aştiyê ji bo we dirêj dikin.
Ji îro û pê ve Zarokên me naxwazin bibêjin Em Tirkî, Sûrî, Îraqî û Îranî ne…
Belê dê bibêjin: Em Kurd in û Kurdistanî ne…
Hêjano,
Elmanya welatekî piştgiriya Miletên derbider û perîşan dike, ew Miletên ko ji ber stema Desthilatên xwe ketine alozî û metirsiyê û yek ji wan Miletan Kurdan jî li vir mafê penaberiyê wergirtine, di vê sebaretê de dixwazim Spasî û rêza xwe û ya hemû Kurdan ji Dewlet û Milet û Desthilata Elmanî re pêşkêş bikim.
Spas ji bo Şaredariya bajarê Schleswig li Herêma Schleswig-Holstein ji bo evê danheva me, û spasiyeke taybet ji bo vexwendina min ji aliyê hevalê min Amed Doskî û xanima wî hevala min Şîlan Doskî,
Pir bi hevaltiya we kêfxweş im…
Zor spas
28.08.2014
Ezîz Xemcivîn
Têbînî: Ev name li Elmanya – bajarê Schleswig – li Herêma Schleswig-Holstein bi zimanê Kurdî û Elmanî hat xwendin.
