Hadî Behlewî
Bi helkeftina diwazdemîn sal ser koçkirina seydayê Tîrêj, û bo roja helbestê ya cîhanî vê helbestê ji we re pêşkêş dikim
Li dêmê wêjeyê seyda tu xale
Tu tîrêje xwedî şewq û şemale
Li ser janê xwe ristê xwe di hûnand
Te bûrandin demin pir tûj û tale
Te bûrandin demin pir tûj û tale
Te vîna kurd û Kurdistan dikir xêz
Dibû bazbend li zendê xort û kala
Dibû bazbend li zendê xort û kala
Bi helbestê xwe dîwan pir tijî kir
Belabûne li kovar û qenala
Belabûne li kovar û qenala
Diyalog te bi mûkî gewr li rû kir
Dibû pendek bi şêwakî zelale
Dibû pendek bi şêwakî zelale
Bi bilbil re te kir vîxan û kovan
Te kir hevpar bi xwer” derd û mitala
Te kir hevpar bi xwer” derd û mitala
Te got” rêka me dûre bar girane”
Tenê omîd me yezdan ê li bala
Tenê omîd me yezdan ê li bala
We aya te bi qulingan gotûbêjkir
Dema refek ji wan ,çû ber bi mala
Dema refek ji wan ,çû ber bi mala
Te gazî kir,qulingo zû were vir
Silava zû ji min bighîn hevala
Silava zû ji min bighîn hevala
Şehîdê berxwedana kurd li amed
Mehabad û helbçe û hem gulala
Mehabad û helbçe û hem gulala
Li min xişmê meke seyda mebêje
Ji bîra min tu çû ev yazde sale
Ji bîra min tu çû ev yazde sale
Dema koça xwe kir pişta xwe da me
Devêm pûç bû zimanêm maye lale
Devêm pûç bû zimanêm maye lale
Ji mêj ve kurtpistik min bihîstî
Ko piştxûzim ji barê pûç û vala
Ko piştxûzim ji barê pûç û vala
Li ber navê şehîd û simbolên kurd
Dive xûz bî ji min tim bejn û bala
Dive xûz bî ji min tim bejn û bala
Di dawî de gelê kurd min bibûre
Li ser masê li cem min yek su-ale
Li ser masê li cem min yek su-ale
Bi saxî ko ji hev re ne bira bin
Dema bimrin çikin van vîstevala
Dema bimrin çikin van vîstevala
