Husên M. Hebeş
10 roj û metelek din
Di 7 rojan de avakir.
Di kenê te de 10 rojan ma!
Lê dema xwestibû
Rokê di sînga ezmên de bi cih bike
Metel mabû ko ê çewa
Dest pê bike
Lê gava çav li navika te ket
Metelmayîna xwe deyna aliyekî
Û rok mîna navika te
Tu dilbijîn î
Kîyê kela te vimirîne ji bilî min?
Tu pizot î
Kîyê wêribe nêzîkî alava te bibe ji bilî min?
Tu buhar î
Kîyê kulîlkan ji te bidize ji bilî min?
Tu kaniyî
Kîyê ava te vexwê ji bilî min?
Tu evîn î
Kîyê bi te birame ji bilî min?
Tu kujar î
Sûda evînê
Lê a ko pê nizanin
Ev e:
Dilên evîndaran
Wê gilover dike
Û bi hêza evîna wan jî
Axaftin…
Fermooo…
Fermo
Hemû
Jinên
Cîhanê
F
E
R
M
O
O
O…
Ji bo te 3ê reng
Tîbûn
Ji kaniyê
Têr av vexwar.
Û li benda hatina te
Ji tîbûna re
Mir!
Tu û Çem
Gava tu seyrana xwe
Di ber çem re dikî
Av zelaltir dibe
Û bi evînî diherike.
Gava tu avê jê vedixwî
Dilê çem sivik dibe
Şaş dike
Û xwe di dilê te
Rojbûna te
Li
Rojbûna te
Ez ê gurzek Gulên êşê
Diyarî te bikim
Dako tu bizanibî
Birîn,birîn e
Û ez ji bo evîna te
Bizanibe ez mirim
Eger rojekê tu hatî û ez nedîtim
Bizanibe ko ez li wirim.
Eger tu hatî wir jî û dîsa ez nedîtim
Bizanibe ko ez li cihekî dûrtirim.
Eger tu hatî wî cihê dûrtir jî
Û dîsa ez nedîtim
Xemgîn nebe,
Kulîlkek sor di dilê axê de biçîne
Û bizanibe ko ez mirim.
Husên M. Hebeş
