Ismail HemêPartiya me biryar dabû ku di roja 12/10/2009an de xwepêşindanekê li bajarê Qamişlo saz bike, bi helkefta salvegera (47)min ya serjimêra ewarte ya ku di parêzgeha Hesekê de sala 1962an de hatibû çêkirin û di encamê de bi deh hezaran hevwelatiyên kurd hiştibû bê nasname û hatibûn bi navkirin wek beyanî, û bi helkefta salvegera yekemîn ya fermana serok komar ya (49)an, û jibo şermezarkirina pirojeyên regezperest û şofînî li dijî milletê kurd,û daxwaza çareserkirina pirsgirêka milletê kurd ya netewî li Sûrî
Lê di roja 11/10/2009 partiyê daxuyaniyek belavkiribû têde bang dabû millet ku partiyê xwepêşindan rawestand ta demek dîtir çimkî rêjîmê soz daye serkirdayetiya partiyê ku di demek nêzîk de wê hevdîtinekê bi wan re bike li ser şêweyên çaresekirina pirsgirêka kurdî li Sûrî û di daxuyanê de hatibû eşkerekirin ku wê hevdîtin bi awakî fermî eşkere bibe.
Bê guman ev cara yekemîne ku rêjîma Sûrî xwe dide ber sozek wiha, û bi rengekî yekser razîdibe ku em li ser zimanê wê daxuyaniyek bi vî awayî bidin, çimkî ev rêjîm tu car li hebûna pirsgirêka kurdî mikur nehatiye, û herdem gotiye ku tu pirsê netewî kurdî li Sûrî tuneye, û li gor vê helwestê hebûna tevger û bizava kurdî siyasî jî inkarkiribû, û digot ew kurdên wek penaber hatine Sûrî bûne ereb, û tu netew ji xeynî ereba li Sûrî tune, û tu kêşên netewî ji tune…!!
Diyare ku rêjîm gihaştiye rastiyê ku nema dikare hebûna pirsgirêka kurd li Sûrî veşêre û li ser razê, nexasim piştî ku deshilata Turkî xwe daye ber çareserkirina wê pirsgirêkê li Tirkî,tevî ku vê deselatê ta îro negotiye ka wê çawa çareser bike, yan wê çi bidin kurda, lê tenê erêkirin li ser hebûna pirsgirêkê qonaxek mezin û giringe li ser rêça çareseriyê, li gor vê rastiyê gava yekemîn îro li Sûrî jî tête xwestin ku rêjîm erê bike li ser hebûna pirsgirêka kurdî berî ku em bizanibin ev rêjîm çi di serî wê deye û wê çi bide
Em bawerin ku partiya derîkî giring di biryara rêjîmê de vekir û bikêmanî pirsa kurdî di hundirê rêjîmê de xist asta dan û sitandinê de, û kiriye cihê balkêşiyê, û ev bixwe destkewtineke giringe di paşerojê de em dikarin li ser ava bikin.
Bê guman ev cara yekemîne ku rêjîma Sûrî xwe dide ber sozek wiha, û bi rengekî yekser razîdibe ku em li ser zimanê wê daxuyaniyek bi vî awayî bidin, çimkî ev rêjîm tu car li hebûna pirsgirêka kurdî mikur nehatiye, û herdem gotiye ku tu pirsê netewî kurdî li Sûrî tuneye, û li gor vê helwestê hebûna tevger û bizava kurdî siyasî jî inkarkiribû, û digot ew kurdên wek penaber hatine Sûrî bûne ereb, û tu netew ji xeynî ereba li Sûrî tune, û tu kêşên netewî ji tune…!!
Diyare ku rêjîm gihaştiye rastiyê ku nema dikare hebûna pirsgirêka kurd li Sûrî veşêre û li ser razê, nexasim piştî ku deshilata Turkî xwe daye ber çareserkirina wê pirsgirêkê li Tirkî,tevî ku vê deselatê ta îro negotiye ka wê çawa çareser bike, yan wê çi bidin kurda, lê tenê erêkirin li ser hebûna pirsgirêkê qonaxek mezin û giringe li ser rêça çareseriyê, li gor vê rastiyê gava yekemîn îro li Sûrî jî tête xwestin ku rêjîm erê bike li ser hebûna pirsgirêka kurdî berî ku em bizanibin ev rêjîm çi di serî wê deye û wê çi bide
Em bawerin ku partiya derîkî giring di biryara rêjîmê de vekir û bikêmanî pirsa kurdî di hundirê rêjîmê de xist asta dan û sitandinê de, û kiriye cihê balkêşiyê, û ev bixwe destkewtineke giringe di paşerojê de em dikarin li ser ava bikin.
Em ne li heviyêne ku rêjîma Sûrî tiştê em dixwazin bi pêk bîne, çimkî em baş dizanin ku ev rêjîm çiye û çawaye, lê em tenê dixwazin div ê qonaxê de bi tevgera kurdî re rûnê bi rengekî fermî û erê bike ku pirsa netewî kurdî li Sûrî heye, êdî wê demê rêç li ber hemi daxwazên me dûz dibe.
jêder: Belavoka Yekîtî , ya kû komîteya navendî ya Partiya Yekîtî ya Kurd li Sûrî mehane dertîne, Hejmar /17/ Çirya pêşî 2621 K
