dr.Zara Salihhelkeftina serbest berdana her sê serkirdayetiyên têkoşer (Hesen Salih, Marûf Ehmed û Mihemed Mistefa), ku bêtirî sal û nîvekê derbas kirin di zindanên Sûrî de. Vê buyera han, lihevrastiyek anî ziman di derbarê girtin û berdana van kesan.
Di sala 2002an de, xwepêşendanek li pêşiya perlemanê Sûrî hate li darxistin, ew hewildana pêşî bû ji şikandina dîwarê tirsê, û di encamê wê de, du serkirdayetiyên partiya yekîtî hatin girtin ( Hesen Salih û Merwan Osman),
wê çaxê piştî salek û du heyva, ewlekariya sûrî nû wan berda. Bi rastî derûniya celda kurdî di astekî bilind de bû, guhertinên mezin pêk hatin, rêjîma Baes li Îraqê ketibû, û pêre jî hevalcewiya wê li Sûrî di tirsa xwe de bû, gava herdu têkoşer hatin berdan bi dehê hezaran millet ew pêşwazî kirin, roj bi roj hestên netewî û raperînî bilindtir dibûn ta ku edî serhildana Qamişlo dest pê kir, lê mixabin neçû serî ji ber li deverên kurdan tenê bû.
Dîse jî ev buyer xwe dubare dike, lê bi şêwek ferehtir û ne tenê li Sûrî, belê li bêhtirîn welatên ereban mîna tsunamiyek bê serî ji aliyê van miletan ve ku êdî hemu rêjîmên dictator ji kok radikin.
Bêguman serbest berdana têkoşerên kurd di van demên bihurî de, tê weke nîşaneke lihevrastiyê û girêdanê bi hervandina rêjîma Sedam ve û partiya Baes û rakirina rayên wê. Ev nîşan hêviyekê çê dike ku li welatê Sûrî jî wê guhertin pêk werin, nemaze gava em dibînin çawa li seranserî welat serhildan û şoreşe û bi hezaran qurban danîne û êdî rêya vegerê nema ye û wê ev şoreş bighê armancê xwe.
Dîse jî ev buyer xwe dubare dike, lê bi şêwek ferehtir û ne tenê li Sûrî, belê li bêhtirîn welatên ereban mîna tsunamiyek bê serî ji aliyê van miletan ve ku êdî hemu rêjîmên dictator ji kok radikin.
Bêguman serbest berdana têkoşerên kurd di van demên bihurî de, tê weke nîşaneke lihevrastiyê û girêdanê bi hervandina rêjîma Sedam ve û partiya Baes û rakirina rayên wê. Ev nîşan hêviyekê çê dike ku li welatê Sûrî jî wê guhertin pêk werin, nemaze gava em dibînin çawa li seranserî welat serhildan û şoreşe û bi hezaran qurban danîne û êdî rêya vegerê nema ye û wê ev şoreş bighê armancê xwe.
Mirov bêtir baweriya wî bi rastiyê tê û tiştên darî çav, lê hin serpêhatî û buyer carna di warê derûnî de mirovan bi hêztir dikin û baweriyê xurtir dike, loma me ev çîrok anî ziman tevlu ku bawerî bi vê serhildanê heye, lê me xwest em hinekî roniyê bînin li ser xebatkarên gelê kurd ku îro jî vê role berdewam dikin û tevlî serhildan dibin ta ku şoreşa Sûrî serkevê û mafê gelê kurd jî bête bi destxistin. Ev karê pîroz gelek pêdiviya tênê ziman, ku kurd yek bin weke millet û bizav û hemu hêz, ji ber derfet hatiye ku em wan xewnên xwe yên netewî û niştimanî pêk bînin, ev jî wê di rêya yekdestiya miletê kurd de û şoreşa ciwanên wê, ku em karibin berjewendiyên millet bidin pêş, em nakokiya jibîr bikin û kesayetiya xwe di hidurê vê doza pîroz de bibînin, ji ber serkeftin wê çaxê wê ji teva re be û her kes karibe xwe bibîne bi serbilidayi di welatê xwe de di rewşa azadî û demokrasiyê û serfiraziyê de. Loma em Karin bêjin ku miletê me di hindirê welat de ê ku hemberî vê rêjîmê berxwedanê dike taw ê ji kok rake, ew xwedî mafe û xwediyê şoreşa xwe ye û nûnerê wê ye , û em jî ji derve Karin piştgiriya wê bikin, lê nabê em cihê wan bigrin û xebata wan bixin bin siya berjewendiyên kesayetî de, ku gereke ev diyarde peyde nebûba li dervey welat, lê mixabin wêneyek ne li gor hêviya ye û bi hêviya ku em karibin vê pirsgirêkê çareser bikin û xwe bixin bin xizmeta şoreşa vî gelî de ta ku em bihev re û bi hemu xelkên sûrî re, ronîtirîn paşeroj bibînin.
