Azad EKKAŞ
roni_alend@hotmail.com
1: Ramûsa Yekem.
16`a Adara Sala 2004`an, piştî destpêka Raperîna Qamişlo bi çar rojan û di roja Bîranîna Helepçe de, Ruhstîn konên xwe li Heleb û Efrînê jî vedan…
Dîdara me li keviya kolanê bû,
bi derengî ez hatime
Sirweya alayan û dengê qirikan
em ber ba kirin
Morana Qamişlo xwe berdabû taxa me;
Şazdeha Adarê ye
Çavên wê di nav girsê re bihurîn
soza ramûsan çirûsiya
bi derengî ez hatime
Sirweya alayan û dengê qirikan
em ber ba kirin
Morana Qamişlo xwe berdabû taxa me;
Şazdeha Adarê ye
Çavên wê di nav girsê re bihurîn
soza ramûsan çirûsiya
Gerdûmên1 dojehê çerxên xwe
di ser me re gindirandin
Bangên azadiyê hêrandin
azadî talan kir
Qîrîniya guleyên tîz noqiya
di laşan de difetisî
Berika2 qederê di eniya wê de hênijî…
mirin… hilmijî
di ser me re gindirandin
Bangên azadiyê hêrandin
azadî talan kir
Qîrîniya guleyên tîz noqiya
di laşan de difetisî
Berika2 qederê di eniya wê de hênijî…
mirin… hilmijî
Ruhstîn3 yara min ramûst revand
şahnişîna xwe
Laşeke rengavêtî nav baskên min de hêla,
nêrîneke bêhay
Ji berîkê nameya evînê der anî,
min şûna ramûsê kir nihanî
Moran bi ser Helebê de digirt,
çavên wê jî… xatir xwast çûn
şahnişîna xwe
Laşeke rengavêtî nav baskên min de hêla,
nêrîneke bêhay
Ji berîkê nameya evînê der anî,
min şûna ramûsê kir nihanî
Moran bi ser Helebê de digirt,
çavên wê jî… xatir xwast çûn
Çarşem -21-7-2010 (Heleb)
2: Xewnên Miriyan
Bayê sibehên biharê di qirpîniya gorê re diguvguvî, peyvine hênik pê re hil dihatin li bînahiya dayikê leylan didan…
Fermîskên te ne dayê,
rengê jînê bi min daye
Bê xêlî ketibûm sayê4,
reng e Ruhstîn zava ye
Lorî lîlî dilsotê,
çima te çav kil nedayê!
Gelo şehîd namirin,
aya gotin ne wa ye!?
rengê jînê bi min daye
Bê xêlî ketibûm sayê4,
reng e Ruhstîn zava ye
Lorî lîlî dilsotê,
çima te çav kil nedayê!
Gelo şehîd namirin,
aya gotin ne wa ye!?
Roja welat her li ava,
sorrengî dida… tav e
Bi tehreyan5 re hilatim serava`,
tavîm ji her dil û çava`
Bi mijê zivistana har re,
min nem da li rûyên evîndara`
Kena min ku li kavilan dipistiya,
dibû sirûşa6 peyambera`
sorrengî dida… tav e
Bi tehreyan5 re hilatim serava`,
tavîm ji her dil û çava`
Bi mijê zivistana har re,
min nem da li rûyên evîndara`
Kena min ku li kavilan dipistiya,
dibû sirûşa6 peyambera`
Yaro nivîna min dûr e,
êdî ne li çu gor e
elendeyan dengê tilûr e,
hinguran awaza bilûr e
digel roja bîstûyektîrêj e
berve nehêniyê digihêje.
Ji Efrînê şûlikîm Laçînê7,
ma Kurdistan her sor e!
êdî ne li çu gor e
elendeyan dengê tilûr e,
hinguran awaza bilûr e
digel roja bîstûyektîrêj e
berve nehêniyê digihêje.
Ji Efrînê şûlikîm Laçînê7,
ma Kurdistan her sor e!
3: Lavijên Niviyan
Wa bîranînê,
nema nimenim8 bihatî,
zarşîrîn genimgwîn kelogirînê…
Ma li kûristanê razî, tuy´
çon bibînî?
raperîna sêwî hê nebû şoreşeke fedîyok
nema nimenim8 bihatî,
zarşîrîn genimgwîn kelogirînê…
Ma li kûristanê razî, tuy´
çon bibînî?
raperîna sêwî hê nebû şoreşeke fedîyok
Li ber dergehên paytextan
tu qereçîk bî,
li dorbajaran şilfetazî sema´kî bêmişûr9,
ba began bizava gewda te bibe
xebat û dîrok,
dê tevtûşî10 te bin dehak û serok.
tu qereçîk bî,
li dorbajaran şilfetazî sema´kî bêmişûr9,
ba began bizava gewda te bibe
xebat û dîrok,
dê tevtûşî10 te bin dehak û serok.
Ka wê kî bi ava şîndamarê bişon
termê11 bûkê
ji nav sergoya partîne sergadoş,
hilînin nava çavika Termê Nehê12
ne nimêjkar in ne lavijbêj bona Karwankuj13
termê11 bûkê
ji nav sergoya partîne sergadoş,
hilînin nava çavika Termê Nehê12
ne nimêjkar in ne lavijbêj bona Karwankuj13
30-11-2010(Hewlêr)
__________________________________________
[1] – galîske; erebeya ga.
2 – gule.
3 – Ezraîl; Ferîşteyê Mirinê.
4- saye: sî.
5 – kelegerma havînê ya dema nîvroyan.
6- Îlham, Wehî.
7- Paytexta Kurdistana Sor.
8 – Dengê dilopên baranê.
9- Bê zehmetî; bê westî.
10 – Tecawizî.
11 – Laş.
12 – Birceke stêrkan di nîvekada bakurî de, ji nav stêrkên wê Qurix (Stêrka Cemserê an jî Qawanê) stêrkeke pir ronîdar e her tim nîşanî aliya bakurê dike.
__________________________________________
[1] – galîske; erebeya ga.
2 – gule.
3 – Ezraîl; Ferîşteyê Mirinê.
4- saye: sî.
5 – kelegerma havînê ya dema nîvroyan.
6- Îlham, Wehî.
7- Paytexta Kurdistana Sor.
8 – Dengê dilopên baranê.
9- Bê zehmetî; bê westî.
10 – Tecawizî.
11 – Laş.
12 – Birceke stêrkan di nîvekada bakurî de, ji nav stêrkên wê Qurix (Stêrka Cemserê an jî Qawanê) stêrkeke pir ronîdar e her tim nîşanî aliya bakurê dike.
13 – Stêrkeke ronî ye, carina kerwanvan di navbera wê û Qurixê de şaş dikin û riya xwe wenda dikin.
Şîrove (0)