Burhan Hesso
Wê kî xewna EXNATON Şirovke ?
Derî li raz ,nehînî û piş perdeyan
Veke ?
Wê bibe Yozersîv , Ûsiv peyxamber û ji Miletê kurd re
Ta bi derzîyê veke???
Û bêje: piştî avqas salên birçîbûnê
Wê xwedê li we mêzeke û kunê Ezmanan li weke !!!
Wê kî paşerojê bi ser pêşeroj veke û cudahiyan şiroveke ?
Tûrê bersivan li ber pirsên, tirsê , matmayînê, birçîbûn û bihetmayînê raxe û veke
Ma ev mafê Miletê kurd, go her roj û her gav , geh bin av dikin
Geh ser av dikin
Geh bin ax dikin
Aaaaaaax Ax
Ma ev maf di derya de , Gemî û kelek e ???
Ma bindestî , heta heta , xelk li pey xelek e ???
Bera MÎSSRA ji berya 7000 sal çavên xwe ji bin ax a Kurdistanê veke
Û ji Miletê xwe re Şevberatê ,diyarîke û bi gerdana Azadîyê daliqînî û pêveke
Bera Ziryab rabe, raz û nihêniya belavkirina Mûzika xwe li Oropa bijene û eşkereke
Bera Şerexanê Bedlîsê dergehê Şerefnameyê veke
Pirsê Genmê pisgirêkê jihev veke
Bera Ahmedê Xanî
Beko ê Ewan ji Rojavayê Kurdistanê têkbibe şerpezeke
Memo bigîne Zînê
Padîşahekî ji me ji bo me
Nîşanke eşkereke
Bera Padîşah SELAHEDÎNÊ EYÛBÎ
Li Şamê ji Gorê rabe û bêje :
Şam Şekir e , Kurdistan şêrîntire !!
Bera vê carê me ji destê ew ên go wî ew
azad kirin
Rizgar kirin
Bi welat kirin
Me ji destên wan veke
Destên xwe di ax a Kurdistan
Dake û tijeke
Û pê sûnd bixwe û Tobe ke
Ew kiryara go kir
Carek e dî
Neke
Neke
Neke !!.
