Osman Îso
Di hembêza welatê me de
Kulîlk û bêhn
nameyên evînê
ji hev re bi rê dikin
di çavên hev de xew dikin
û hîn evîndarên hevin
****
Geyayên
gund û bajarên wêrankirî
hîn bi hêz in
ruyên zemîn nepirçek dikin
Serên xwe ji ronahiyê re hil didin
û hîn zîl didin
****
Stêrkên me
hîn di dilê tarîyê de şax didin
û…
Xizan Șîlan
li tenêtiya şevistanên sar
hestên xwe dispêrim
paşila helbestê
li bêçaretiya qederê
rojên nazdar û kubar
xwe ji min veşartin
xurbetê kirasê şînê
li bedena şadiyên min
rapêça
ken û girînê ji hêlîna dil
fîrar kirin
derdê dinyaya derewîn
li ser serê min
bû barekî giran
li bêçaretiya qederê
di giyana xwe yê şermok de
têm guvaştin
li nav axîn û keservedanan
dem û dewran heliyan
ji kaniya çavên…
Lewend Dalînî
Li ser agirê qurme dareke guwîza,
Tûrikê derd û mitalan,
Min şewitand….
Û ên mayî jî…Bi Misasa
Cotkarekî, min bin ax kirin
Li Nûrşîn û Tekîyên Neqişbendîyan,
Nivişt û bazbendên ji bîrkirinê,
Ji min re dane çêkirin…
Û min wergirtin
Ne qebe qeba kewekî,
Li ser lateke
Çiyayê Tora Hevêrka,
Û ne jî bêhna Sosin û Endekoyên,
Sîpan ê Xelat ê
Di karîbûn zû bi zû,
Giyan li…
Burhan Hesso
Qeflê şemalan,rêsiyê xaçên xwedawendan,şanaziyên derbirênê gefê buharan
Birîn dîdevan û Gewah e
Li ezmanan
Ji dû ya şewata gewd û can û hestên mirovan,dîrok hate nivîsîn
Piringekî agir li ser dil
Sibeh bû,çiyan bi berfê dest nimêjê digirt
Berx li hêviya şîrê deyikan bûn
Hevorî û Tuştîrên Sê berî,diber pîrikên zayînê de
Beranan quloçên xwe disûtin
Kulîlkên Guhîj û Sêvan,çavên…
Ebdilmecît Şêxo
Gulên gulistana min herdem
rûlken bûn
Her sibehê min ew bi xûnava
dilên zarokên xwe av dida
Her sibehê min bi doşava pelên wan
tîbûna giyanê xwe dişkand
Her sibehê min li ber sîbera wan
helbestek buhuştî ji gulistana
Melayê Cezîrî dixwand.
Lê vê sibehê, ew bi dîtina min re
hemû lal bûn
Keservedanên wan agirdanek
di stêrka dilê…
Alan Hemo
Ewqas dûrî û hestên jar û kul
Durist û cebar nakin şûşa rebenê dil
Bi salan li bin bar bijarî hiştim bê mil
Bimafe barvan îro xwîza xwe bike şil
Kenek ji nêz ve diçrûse dîsa
Nîşan dide buhar dû gelek payîza
Direvin ewrên pûç, dumahîke li bageroka
Qirş û qal bi bê re çûn, hatî dema xecxecoka
Di şevên reş de…
Alan hemo
Li siya Torê û saya xetê
Deşta xeman diafire û pêktê
Himas biçeqçeq av didê
Aş digerîne dihêre genimê wê
Bidîlanin qamîş li bayê wê
Pêşwaz û şade bedenê pê
Qamişlo ji min û neviya re hebe
Hebûna te bêhimpayeke razbere
Hevnişîna xewnên evîndarê penabere
Ji tariya hestiyara re rikbere
Ji hejar û westiyaya re navbere
Biveje, jiyan xweşe bibîranînên te re.
Burhan Hesso
Li wir
dema rê dibû Ma`rek
min bi Pongê destnimêj digirt
û bejna te
pencera gîhê bû!
kevokê name li rê
vekir,
agir ji avê şiyar kir
hefsar
sînor
mizgîn
Ji dest neyaran der çûn
Lîrlîr
Kezî
Ken
Sema
Govend
Tev…tev
rijyan
Hembêzên dayikan
û ez
bajar bi bajar
dame ber qamçiyên şewatê
rê
rê
rê dibû Ma`r!
kilîla te,
geh,
serçavk
şo bi şo
werdigirtin
û ez hiştim zavayekî
bê mirad !!
Burhan Hesso.
12/3/2004
Burhan Hisso.
Te min ji bîr kir
serê min bi paçan
mezin meke!!
ka te çend rûpelên axê
li pey xwe qulaptin ?
çend car û newalên
welat
li nav pişta xwe kirin ?
qet qetî kirin !!
hin bûn cilikên ser qorka wawîkan
hin li çewkanên cadûbazan
diterpilin
te nîvê min bir
û nîvê dî
çeqelan
ez li roviyan parkirin
desmêja min giriye
çêja hinasan
teşiya keseran
li Yek hawî
rêsan
badek
û badane
mirin…
Cawîdan”Xalid Qasim”
Li nav ewrên reş û tarî
bûm dilopek ji baranê
Li ezmana ez geriyam
giham qada Kurdistanê
Ez hejiyam û hatim xwar
ser serbanê helbestvanê
Serban axbû ez kişandim
wek dilopek ji baranê
Vê carê ez bûme mêhvan
nav lênûskên narînvanê
Narîn jinek tev jiyan e
li her derê Kurdistanê
Çiqas xweş e rastî…
