Helbestvan û nivîskara Kurdistanî Mizgîn Hesko û bi berhemeke wêjeyî û ramiyarî nuh tête pêşbirî xwînerên zimanê Kurdî û hezkiriyên bexşan û nivîsên cuda û balkêş.
Bi nerînên nuh û bi derbirînên wêrek û balkêş, Mizgîn Hesko hewil dide ku ji nuh ve, hin ji mijarên wêje û jiyanê vekole û wan bi form û şêweya bexşanê bixwîne û bi xwîner û şopînerên xwe bide xwendin û hezkirin. Tekez ev yek bi zimanekî Kurdî ciwan, hêsan û pir zor jî di heman demê de.
Ev berhem hejmareke berçav ji rojnivîs, nerîn û dîtin û ramanên jineke navdar û torevan hildigire xwe ku ew û ji mêj ve di asîmanê wêje û helbesta Kurdî de beşdar e.
Hêjayî gotinê ye ku ev şêweyên nivîs û bexşanên cuda di navbera Mijdara 2022 û ta bi Gulana 2024- an de hatine afirandin. Hin beş ji wan jî di Sosiyal mediyayê de û di hin malperên Kurdî de hatine belavkirin.
Weşanên Sîtav/ 382
– Navê Berhem: Ji Ristezara Elindê.
– Çapa yekem/ Tîrmeh 2024.
– Tabloya Berg: Omran Shekmous.
– Edîtor: Qahir Bateyî.
– Hejmara rûpelan: 129, rûpel.
– Mijar: Rojnivîs. Raman.
– ISBN: 978- 625- 8255- 22- 5
