Demjimêr çil û heştê nîvê spêdeyê.


Mizgîn Hesko

Hîn çivîk raketî
Û refê tiliyên min
Hişiyar…
Demjimêr çil û heştê
Nîvê spêdeyê ye..?!

Hîn zûye…

Destên spêdyê
Bi berf û mijê dagirtî
Ne Spêde ji xew radibe
Û ne jî tiliyên min î
Ku di nav porê spêdeyê de
Tevizî
Radikevin…!

Spêdeye…
Berf dibare
Û tiliyên min î
Ku di nav destên spêdeyê de
Lerizandî…
Fîdan û şitlên ku xak
Azirandî…
Û meyvegotinên ku ji xameyê
Wêrivandî…
Demjimêr çil û heştê
Nîvê spêdeyê ye…!

Hîna zûye…
Û dêliya takîbitenê
Ku sîbera wê
Welatek digirtî…!
Û şaxên ku hîn jî
Xwe li nuqa jiyanê
Radipêçin
Serê vê spêdeyê
Bi serdana berfê re
Hatin…
Û bi ser min de barîn.

Spêdeye…
Belgên spî
Bi nazenîn î dibarin
Gaveke din
Dê berf ber bi
Damarên axê ve biherike…

Û ev qeyika….
Ku serê vê hoşiyariyê
Nîv xilmaş
Kî dê ….
Derengî pêlvedana bîranînê
Ji qeyika bêrîkirinê re
Bibe berav…?!

Hîna zûye…
Û çavên spêdeyê
Kor in.
Ber bi berfê ve
Bîrdanka azarên çil û heştê
Dilop, dilop dirije…
Zûye û berf hîn jî dibare
Ji pencereya xwêsî girtî
Dinerim
Daristan…
Di bin barê berfê de gevizî
Û di bin berfê de
Kulîlkên serxweş…!
Û tiliyên min
Hîn jî…
Ji xameyê diwêrivin…!

Hîna zûye…
Rûdêmên spêdeyê
Sar in.
Neynûkên sirê
Xar in.
Û ez di qubletgeha berfê de
Di lêgeriyaneke bê dawî
Hîna jî…
Rêyan…
Û hevokên nedîtber li ser zarê daristanê
Bi dilgermî dixwînim
Gerhok im…!
Hişê min gerhok e..!
Û hîn…
Û tiliyên min gerhok in…!

Gerhok im…
Û di tûrikê gerhê de
Çil û heşt bar
Ji tovê bi hezê nixumandî
Kî ew çand..?
Kî ew bi firmêskên zelal
Vejand…?

Dildar…
Tên serdangeha berfînokan
Ku diçin
Li şûn xwe jibîrdikin…
Hinek ji xwe
Û pir ji qefdên dîlokan…!

Spêdeye
Û ez…
Di wargehên bi mijê
Û bîna xameyê dagirtî
Li xwe haye dibim
Ku sal…
Xapîn in
Salek…me radestî yeke din dike
Û demên bihûrî
Mîna rewrewek û xewnê
Kî me û li kû me…?
Û wiha hiş …
Min dibe û min tîne
Û wiha bi hin ramanan
Bîrewerî dijenê…!

Spêdeye
Û di bin berfê de
Rê kesk in…!
Li têgehên hebûna bêdeng
Û rewanê jêderên pîroz digerim
Digihim/ nagihim
Û çil û heşt salên dînok…!
Û bi dehan werzên dirêj
Geh şad
Û geh xeydok…!
Û dilê min…
Ku di nav destên zordariya temen de
Zuhabûyî û hîn ne zuha…!
Û çavên min
Ku li dergehê welatekî digerin…?!

Û demjimêr çil û heştê
Nîvê jiyanê
Awirên te
Ku li rasta
Pêlvedana hestên min dibin
Gotinên te
Ku li têla herî nazik
A dilê min dixin
Şaxên daristanê
Ku di bin barê berfê de
Çokdayî …
Kesk dibin…!
Çil û heşt bihişt
Di pêjna te de
Kesk dibim…!

Kesk dibim…
Na, na heşîn dibim…!
Û serê vê spêdeyê
Û hemû spêdeyên sava
Çavên te
Ji qehweyê axê
Hilma te
Ji yasemîn û gulavê
Û li ser textê sîngê
Çar zevî sinbilên
Destnimêjgirtî
Ji şevnem û xunavê
Û hîn …
Di lêgeriyana xwe de
Ta bê dawî….
Gerhok im
Û hîn…
Û ta xirêna mirinê
Li dergehê
Welatekî digerim…?!

Gerhok im
Diçim, dûr diçim
Û her ku dûrtir dibim
Bêhtir…
Ber bi pêjna te ve têm
Ber bi çil û heşt rojbûnên binefşên….
Ku li ser zendên te ên badayî
Digernijin…!

Çendîn…
Spêde xemrevîn dibin
Dema ku…
Bi çavên te dinerim
Di wan de kûr diçim
Û dema ku …
Ristên min
Bi dilê te dipûnijin…!

20. Mijdara 2021

………………………………………………………………
* Hatiye belavkirin di Berhema Surperiya zîvê sihirdar de.
* Çapa yekemîn. Weşanên Sersera Avdar 2022.
* Çapa duyemîn. Weşanên NA. Havîn 2023.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Endezyar Bassel Kasnasrallah

Îhtîmal heye ku şerê îro bê sedeman e, bê tank û teyare û askerekî zexmîn, lê ew di dîtina herî xurt de aramtir e û xetertir. Ew “şerê hêza nerm” e, wisa ku wekî hevnîkek bi rêwîtî tê hereket û digel winda bibe, di rewşa ku xezalkek bilind dida, tê kêşandin….

Weşandin û amadekirin: Komîteya Kurdî ya Mafên Mirovan – Rased

Nabera: 6 Adar – 10 Nîsan 2025

Pêşgotin:

Di nav bera Adar û Nîsana 2025 an de, li herêma Berava Sûriyê bi taybet li bajar û gundên Latakiyê(laziqiyê) û Tartûsê – tund û tûjiyek Quris dijî kesên sivîl…

Şîlan Doskî

 

Ji bo nasnameya herêmekê belgedanka Riweknasî

Di herdu pirtûkên xwe yên Kurdica – Beşa 1 û 2 de, min bi giştî 167 cureyên riwekan ku bi navê zanistî yê “kurdica” tomar bûne anku paşnavê kurdica lê hatine kirin û bi navê Kurdistanê tomar bûne, dane hev. Lê karê min…

EBDILBAQȊ ELȊ

Polȋtȋk karekî pîşeyî ye, û pêdivî ye ku kar ȗ xebata sîyasî standardên pîşeyî yên polȋtȋkî bipejirîne, ȗ xwe bi sipȇre pîvanên pirofesiyonelîzma siyasî, ku li gor civaknasȇ siyasȋ yȇ Elman MAKIS VȊBER”Max Weber” pȇwȋstȋ bi van her sê taybetmendiyên girîng heye : azwerî, hesta bi berpirsiyariyê, û…