Nizar Yosif
Keda nivîskarê birêz Qado Şêrîn di durv kirina pirtûka li ser hunermendê bê hempa nemir Mihemed Şêxo de cihê rêzê û syanetê ye.
Ev ked û lêkolîn û dayînhev bi awayek hostayî ji birêz Qado Şêrîn, encam da, bû verêjek saxlem giha nava lepên xwêneran. Kedek wisa di derbarê hunermend ê xwedan helwest, ku jiyan û hemî xweseriyên xwe ji dozê re terxan kirîn û surgûn bûyî, ji me re cihê romet û bextewerî û şanaziyê.
Min bi lezgînî bergê wê vekir, li naverokê temaşe kir û sernav xwendin, di nava wan de pêjna cefa û zehmetkêşiyên ku nivskar têre derbas bûyî dîtin, ta radeyekê pê serwext bûm.
Bê guman ev xebat ne bi hêsanî û rewan çavê xwe di pirtûkxaneya kurdî de vekiriye, helbet kêmasî û şaşî jî wê têde peyda bibin, dibe ku deriyê rexn û hogotiyan li dijî berhem bi giştî û bi taybet li dij nivîskar vebin û rû bidin.
Lê rastî û baweriyên nivîskar û girseya wê kesayetiya ku li ser nivîsî, cihgirtina wê kesayetiyê û bandora wê di nava civakê, rêzan û pîvanê ji serketina berhem re tînin. Navê Hunermend M.Şêxo hatiye girêdan û parçûm bûye bi nasnameya civaka kurd û doza kurdistanê ve, ew nîşana girêdanê ye di navbera hunerê dilsoz û civaka xwe de. M.Şêxo bi deng û gotin û nalîn û performansa xwe yên xweş û bi bandor, wî peyama xwe ya hunerî di hemî tengaviyên jiyanê de biriye serî, bûye mîrate ji çanda gelê xwe re.
Nivîskar Qado Şêrîn û naveroka pirtûkê:
-Pêşgotin: Nivîsa nivîskar Qado Şêrîn e.
-Jiyana hunermendê nemir Mihemed Şêxo tîne zimên.
-Gotar û lêkolînên bijartî: Nivîskar Q. Şêrîn para nivîskar û lêkolînvanan di pirtûkê de ji bîra ne kiriye, lewma gelek gotarên wan di berhemê de cih girtine, hevpeyvînên ku bi hunermend û rojnamevanan re li ser wî hatîn kirîn û yên bi M.Şêxo re bûyîn, têde bi şûn bûne.
-Beşê stranên Mihemed Şêxo: Di nava xwe de hêjmar 124 stran nivîsîne.
-Beşê Portrêtan: Hêjmarek baş ji wêneyên ku şêwekaran çêkirîn tê de cih girtine, lê mixabin gelek wêneyên din yên ji hêla şêwekarên din ve hatîn çêkirin, bi şaşî û bêhemdî hatine ji bîra kirin.
-Beşê dawî Wêne û belge: Taybet yên hunermendê nemir Mihemed Şêxo ne, wêneyên ku di jiyana wî ve girêdayîn û têde peyda bûyîn ewin.
Dubare ev berhem li gelê kurd û pirtûkxaneya wî pîroz be, da ku ji nifşên sibehrojê û lêkolîneran re bi be jêder û çavkanî, û ji pêşvebirin û nûkirina hunerê kurdî re mal û milk be.
Dest saxbi rêzdar Qado Şêrîn.
Nivîskar Qado Şêrîn û naveroka pirtûkê:
-Pêşgotin: Nivîsa nivîskar Qado Şêrîn e.
-Jiyana hunermendê nemir Mihemed Şêxo tîne zimên.
-Gotar û lêkolînên bijartî: Nivîskar Q. Şêrîn para nivîskar û lêkolînvanan di pirtûkê de ji bîra ne kiriye, lewma gelek gotarên wan di berhemê de cih girtine, hevpeyvînên ku bi hunermend û rojnamevanan re li ser wî hatîn kirîn û yên bi M.Şêxo re bûyîn, têde bi şûn bûne.
-Beşê stranên Mihemed Şêxo: Di nava xwe de hêjmar 124 stran nivîsîne.
-Beşê Portrêtan: Hêjmarek baş ji wêneyên ku şêwekaran çêkirîn tê de cih girtine, lê mixabin gelek wêneyên din yên ji hêla şêwekarên din ve hatîn çêkirin, bi şaşî û bêhemdî hatine ji bîra kirin.
-Beşê dawî Wêne û belge: Taybet yên hunermendê nemir Mihemed Şêxo ne, wêneyên ku di jiyana wî ve girêdayîn û têde peyda bûyîn ewin.
Dubare ev berhem li gelê kurd û pirtûkxaneya wî pîroz be, da ku ji nifşên sibehrojê û lêkolîneran re bi be jêder û çavkanî, û ji pêşvebirin û nûkirina hunerê kurdî re mal û milk be.
Dest saxbi rêzdar Qado Şêrîn.
