Konê Reş
Ez nebawer im ku malbat wek malbata Mîrê Cizîra Botan Mîr BEDIRXAN, ji dil û can xebat û bizav di ber gelê kurd de kiribin û tev malê xwe û canê xwe di ber de winda kiribin. Tevî ku neferên vê malbatê ji sala 1847an ve di koçberî û sirguniyê de dijiyan, lê wan qet welatê xwe, warê bav û kalên xwe, jibîr nekirin, ji desthilanîn neketin, li ber xwe dan û gelek xebat û bizav kirin, da ku navê gelê xwe di nav gelên cîhanê de bilind bikin; çi di warê civakî û rewşenbîriyê de û çi di warê siyasî de.. Di encam de tev di sirguniyê de, dûrî xaka Cizîra Botan çûn ber dilovaniya Xwedê. Min jî, ev helbesta bi navê (Şagirtê Bedirxan im/ 1996), ji bo zarokên welatê xwe di duyemîn dîwana xwe a zarokan de ku, eynî nav hildigire belav kiriye.. Fermo bixwînin:
Gerîlayê felat im
Welatê min Kurdistan
Warê bav û bapîran
Dêrsim, Zaxo û Botan
Hewlêr, Seqiz û Dokan
Sûndê dixwim bi Yezdan
Xwedanê şev û rojan
Ez ê hildim ala wan
Bi parêzim banê wan
Azadxwazim, ne şerxwaz
Armanca min aştîxwaz
Ez şagirtê welat im
Roja cengê lebat im
Cangorî û xelat im
Li ser rê me va hat im
Ta ji min bê bi himet
Bi parêzim bê minet
Zimanê bav û kalan
Bi vejînim ji talan
Dildarê Niştiman im
Ji bo gel ez derman im
Zaz û Sor û Goran im
Şagirtê Bedirxan im.
