Hoo Berdîno Guhdarî Muzîkê Bin

Riyad Salih Husen
Werger  : Besam Mer`ê
Hoo Berdîno Guhdarî  Muzîkê Bin
Sibe destpêk e ..
Sibe, ne stûgirek
Ne jî pêlavek giran-buha
Sibe destpêk e..
Ne gotinên xaçepirsê
Yan kongra Havana
Sibe destpêk e ..

Sibe di bin Gyotînê re

Yan di navbera zincîran re
Dê daxwaza vejînê bikim!.
Ew jiyana ku di pertûkan de tê gotin
Ew jiyana ku
Di reklamên televizyonan de tê dîtin
Ew jiyana ku li piyarêkan tê nivistin
Ne ew jiyan e ya ku tê xwestin!..
Sibe,
Wek xeratên ku Xaçan pêşniyar dikin
Li ser azarkêşana Mesîh napeyivim
Bi zarokan re nalîzim
Heta ku UNÎCIF loma ji min neke!..
Bi asanî û bi nahêviyek mezin
Dê dilê xwe dirêj bikim û tenê,
Dê daxwaza kar bikim.
Nan
Pertûkan
Asayişê
Rêvingî û her wusa..
Ne çerçiyê hûrûmûran im
Ne qaçaxçiyê cixareyên Malboro
Şeşxwerke min tune  xwe bikujim
Ne narincokek ku balafirekê birevînim
Min dilê xwe li mazatê ne firotiye
Min Wîskî ji bazarên azad nekirriye
Min kesek  ne kuştiye
wek sîlehekê  min gul li rûyê jinekê nexistiye
Lê çima?
Çima?..
Hoo Berdên ji Muzîkê zivêr
Çicara ku Gor-kol min dibînin
Destên xwe bi şadî difirkînin
Û ji bo seredana xwe min vedixwînin?!
Ji serdema kêrên berdîn
Heta bi serdema zarokên Belûrî
Hêj li azadiyê digerim..
Dinivim û distrênim
Kar dikim û destmalan diguvêşim
Bendewar im û Pîvazan diqeşêrim
Serê sibehan yan jî êvariyan
Di demjimêra heftan yan bîstûçaran de
Diçim maxa  xwe û dipûnijim..
Ez dilekî spî û du destên şîn im.
Em zarokên siberojê ne,
Hîna li goristanan dinivin.
Goristanên ku
Li nav darên lîmonan û tivingên sekmanan.
Em zarokên siberojê ne,
Hîna li bin asmanên biçûk in
nêzî  vê cîhana pepûk in..
Duhî, Îro û Sibe
Em dilê xwe dirêjî rêwiyan dikin
Gelî  hevalan Stranekê
Gelî birayan Ramûsanekê
Ji bo Xwedê
Stranekê yan ramûsanekê..
Ramûsanek ji serê salê re
Û Stranek ji roja dawî re.
Sibe
Ji min nereve berew  cadeyên xemgîn!..
dergehê min  her vekiriye
Were
Derbas be
Min biramûse
Em bipeyivin
Em binivin..
Li Serê kolanê
Li binê kolanê
Li bendî we ne
Bi tivingek suwarkirî..
Sibe dawî ye..
Duhî  me hevnasî
Îro min tu maçîkir
Û sibe cudabûn e..
Sibe destpêk e
Duhî qirkirin bû
Îro me term binaxkirin
Û sibe,
Qirkirineke taze ye..
Sibe hevalekî dêrîn:
(Bi hezaran dimrin di zindanên Santiago de)
Sibe Rojgarnasekî kal:
(Ji burca Nehingî dê biçe dojehê)
Sibe Paleyeke bejin bilind:
(Îsal baran kêm e) dê bibêje
Sibe
Nameyek ji jineke nepenî re:
(Dixwazim bi dirêjiya êlûnê bi te re bipeyivim)
Germ e wek bizot
Asan e wek avê
Zelal e wek berika șeșxwerê
Û dixwazim bijîm:
Hooo Berdên ji muzîkê zivêr
Ma ev ne bes e?!..

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…

Pîrozbahî

Rêzdar Dr. Serbest Nebî

Me bi kêfxweşî nûçeya wergirtina we pileya professoriyê ji zanîngeha Koye bihîst.

Di demê ku pîrozbahiyên xwe yên germ pêşkêşî we dikin, hevdem hêvîdarin ku hûn serkeftî bin di kar û xebata xwe ya zanistî û çandî û siyasî de.

Em ji nêzîk nivîsîn…

Hozan Girkunde

‏Li ber dergehên, êvareke, bûharî

‏Min wêneya, xweşikbûna te

‏Bi teşîya, hestên xwe

‏Di guldana, dilê xwede, dihûnand!

‏Û beyara, jiyana xwe

‏Bi dêmên teyî, xunavî av dida

‏Li ber, lehiya, kenê te

‏Min girîyê” di giyanê xwe de

‏Vedimirand

‏Tûrê…