HEVÎR

heman Nanpijên Dest nepak
Ji nu ve bi Xwîna Te
Hevîr distrên
wê dîsa Nan bipijin
dilê Te xweş dikin ku Te ji Nanê Te bêpar nakin   
Kawiko pelu ne be

eger parîk Nan dan Destê Zaroka Te

ev ne qencî ye
Arvan ji Hesteyên Te ye
Xwê ji birîna Te ye
Tenur ji Axa Te ye
Ardu ji Gewdên Keç û Lawên Te ye
pelu ne be
xwe erzan nede destên Kiştibançiyan
ji mêj de wan Tenur dadan  
Ardu ne ji kîsê wan ne
Hevîrtirşê wan sexte ye
Hevîr pê tirş na be
haj ji xwe hebe
berya ku Nan derke ve
ewên bi Xwîna Te
Niçîrê bikin
pirs Tilyên xweyî tal
di Çavên xewnek şêrîn de radike
di bin Çandirek ku Ba ew zîvarzîvarî kirî ye Mendalek diazire
Jinbiyek Sêwiyan xwedî dike
Nan bidest nake ve
nifiran li Te dike
digrî Asîman guhnadê
Şekir nabarîne jibo Zarokekî haş bike
bêhişo Stêr ji derdê Te
matmayî Çiruskên xwe dikuje
dixwaze ku Mejiyê Te yê sert hênik bike
lê Têlbendên kînek kwîr rênadinê
Sêla Sedsalan disincire
Ji nu ve wê Welatan bipijînin
Milet dikelin
Netewên qerase wê ji nu ve
pişta Mirovahî bişkînin
ti Deng bi ser Dengê qirkirinê nakeve
Kawikno lihev vegerin
Jibo Nanê we ne şewite