Min zanî bû tê bê

  Bihrî Bênij 

Dilbera min …!
Goriya pevçûna çeteyan…!
Ti revandin..
Badeya mihacirîyê dane te..

Tiserxweş û bi paye kirin…
Ti ser cokên sînoran re derbas kirin…

Ser baskên derew û sextekariyê..
Ti hûrkirin, ti darihtin qalibekî din..
Ti dûr kirin ji min ..

Belê… min zanî bû tê bê..

Hîna  çira jîna min pêketî …
Di heja pêtiya xwe, ya li ber vemirinê..

Di hûrdema dawî ji temen  ..
Di  sikrata mirinê de mabê…
Min zanî bû tê bê..

Ji bo li hev helalkirinê mabê tê bê ..

Ji bo hilandina tevna ” pîrê “…
Ji ser helbest û ristên min tê bê..

Ji  bo avakirina kavilê dilê min..
Yê di peşêvê li ber bahoz û babelîsan ..

Mi zanîbû tê bê..
Da berdî çav dilopek hêsra şahiyê..

Ji  bo keserke tenê ji dil derînê tê bê..

Hîna   pelekî şîn bi dara jiyana min ve…
Min zanîbû tê bê…

Mi  zanîbû tê derê zindana xwe bişkînê..
Mi  zanîbû tê bend û qeydan biçirînî tê bê..

Di şikefteke bin erdre mabê tê bê
Min  zanî bû berê te li mine …

Çimkî bê xatir xwestin ti çûyî..
Çimkî ti birin,  ti dizîn ji hembêza min..
Te firotin dûriyê..
Ti  veşartin ji min ti dane biyanê..

Ji  kulîlka omîda min…
Ya pişkivî bû di dîwarê zindana hêwî de…
Min  zanî bû tê bê..

Li  ser baskên pepûlekê mabê tê bê..

Bi  ewrekêre ji derya evînê mabê tê bê..

Hîna qeftek  gulên pêşewaziyê mayî tê bê..

Li  ber pêlek bayê heskirinê mabê tê bê..

Min  zanîbû peşkek haveynê dilsoziyê bi tere maye ..
Min zanî bû guvişkek hevîrtirşê dilovaniyê bi tereye..
Tê bê..
Min zanîbû nan û nemeka me naçê bi avê de tê bê..

Min nivişt û berbejna vegera te hilgirtine tê bê..

Te zanî bû ez berbendî teme..
Te zanî bû em winda ne dûrî hev..

Bê nav û zanav ber deriyane ..
Perîşanin dûrî hev bê xan û mav

Min  zanîbû kevir û kuçên ezîtiya te wê bihelin ..
Min zanîbû nepoxên seroflaziya te wê bi teqin…
Wê  bi fişin ..

Min zanîbû tê vegerî hindirê sînorên xwenasiyê..
Min zanîbû tê dev ji derman û alavên tîz û vîziyê berdî
 Tê bê..
Bi ruxsarên xwe yên xêvîn…
Tê  serî deynî ser çoka Bihrî ..

Ti ji vê axêyî tê vegerî vê axê..

Belê ev devere lîsê te ..
Hêlîna te divê avabê..divê şên bê..
Bi  çîw çîw û xul xula dengên me

Mi  zanî bû tê vegerî paşila zozanên xwe..
Tê  xwe tehfîl kî bi ava kanî û baranê..
Bi ava berxwedanê..

Tê bibî şitl û fîdan li ber keviyên Dicle û Ferat…
Li  ber qeraxên Ormî û Wan

Tê  bibî mizgîn û bingihê hîmê aşitî û azadiyê..

Tê bibî bûkek ..horiyek ..periyek
Li  bihiştên Krdistanê.

Qamişlo..17/7/2002.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Helbest: Hoşeng Osê
Werger: Alan Hemo

Memikên wê mishef û perestgeha min e,
Û destên min î dîn ku jê bêhêvî me, tim bisûndin di nîvê şevê de
Bêxilafe ji soza xwe û şan li ser memikê, bigef û tolaz e.
Ez im ê dema dibûre û bê rabûrîn
Fermana qederê lê tine, û bê ferman e.
Min tine mal ku bayê…

Mahîn Şêxanî

Û ez tenê me , ez tenê me.
Dema ku min bi tenê şer kir
Yekbûna dawî ya giyanê
Gava ku tu nikarî nêzîk bibe
Û ne tu dûr bikeve.
Û tu nikarî ji bîrbikî
Û tu nikarî wêdetir biçe
Bi xêr hatî navîna mirinê
Ku tu hêz û qeweta te têde tune. ”
Îro piştî ewqas dirêj bezê ez bi nermî dimeşim
Ji…

EBDILBAQȊ ELȊ

Sȗriya di dirêjiya dîrokê de, li ser qelșên zemînhejên polîtîkî ye, ȗ pilaktên wê yên civakî yên livîner ji mêj ve li ser wan hatine avakirin, her çend salan rastî hejandin ȗ guhertina desthilatê dihat. lê rejîma șovenist ȗ dijî mirov ya malbata Esed ku bi agir, hesin, girtîgeh, ȗ…

Ezîz Xemcivîn

Hestên Şewitî dîwana helbestvanê çalak kak Baran Heso ye.

Wêneyê bergê kevala Ehmed Heso ye…

Dîwan li weşanxaneya Ar li Istanbulê hatiye çapkirin.

Di nav pêlawazên hestên nazik û dilsozane de bi tîpên hezkirinê helbest hatine nivîsandin.

Baran Heso bi ferhengeka têr peyv sawîrên…