Danîşe!

Ebdilmecît Şêxo

      -1-
Danîşe!
Bêhnek xweş ji  peyvên te
bi ser min de  diherike
destmala piştzêrî 
                         di navê te de
hemû çûkên buhûştê
                 Te
li min civandin
sêmfoniyekê mîna kenîna te
ji min re dikin diyarî
pelên dara  evîna min
sernûve geş dikin.
Danîşe !
Bêhna barana Buharê
çîvçîva çûkên  gulistana dilê te
Firişteyên dilê min serxweş kirin.
 Danîşe!
Were! Em vê carê li bin siya dara
                              Zeytonê  danîşin
çîroka Mem û Zînê
-2-
bi bîra xwe hûnin
silavên  bêhn henarî
ji wan re bişînin
û zerkekê   ji kûpa evînê
                                binoşînin .
Danîşe!
Eger şevê em dorpêç kirin
ezê pêçiyên  xwe yek bi yek   
ji te re bikim mûm û find
sêveke ji pîsîra xwe ji te re
 bikim Hêva li çar de.
Danîşe!
Li ezmên binêre!
stêrkek mîna te ye
stêrkek weke min e.
Ya Xweda !
Ev çi lêhatin e !!!
Ez dengê şêrekî dibhîsim
dengê xwe mîna dengê te ye.
Bibhîse!
Dara me çîrokên hevalên serjêkirî
ji me re kirine stran.
-3-
Danîşe!
Serê xwe deyne navbera
                      herdu henaran
ezê ji te û darên pakrewan re
stranên dildariyê û qehremaniyê
                             bistirim
û nêrgizek bejin bilind
di dilê te de biçînim
danîşe dilê min !
danîşe !

Efrîn. 2019  

شارك المقال :

Leave a Reply

Your email address will not be published. Required fields are marked *

اقرأ أيضاً ...

Helbest: Hoşeng Osê
Werger: Alan Hemo

Memikên wê mishef û perestgeha min e,
Û destên min î dîn ku jê bêhêvî me, tim bisûndin di nîvê şevê de
Bêxilafe ji soza xwe û şan li ser memikê, bigef û tolaz e.
Ez im ê dema dibûre û bê rabûrîn
Fermana qederê lê tine, û bê ferman e.
Min tine mal ku bayê…

Mahîn Şêxanî

Û ez tenê me , ez tenê me.
Dema ku min bi tenê şer kir
Yekbûna dawî ya giyanê
Gava ku tu nikarî nêzîk bibe
Û ne tu dûr bikeve.
Û tu nikarî ji bîrbikî
Û tu nikarî wêdetir biçe
Bi xêr hatî navîna mirinê
Ku tu hêz û qeweta te têde tune. ”
Îro piştî ewqas dirêj bezê ez bi nermî dimeşim
Ji…

EBDILBAQȊ ELȊ

Sȗriya di dirêjiya dîrokê de, li ser qelșên zemînhejên polîtîkî ye, ȗ pilaktên wê yên civakî yên livîner ji mêj ve li ser wan hatine avakirin, her çend salan rastî hejandin ȗ guhertina desthilatê dihat. lê rejîma șovenist ȗ dijî mirov ya malbata Esed ku bi agir, hesin, girtîgeh, ȗ…

Ezîz Xemcivîn

Hestên Şewitî dîwana helbestvanê çalak kak Baran Heso ye.

Wêneyê bergê kevala Ehmed Heso ye…

Dîwan li weşanxaneya Ar li Istanbulê hatiye çapkirin.

Di nav pêlawazên hestên nazik û dilsozane de bi tîpên hezkirinê helbest hatine nivîsandin.

Baran Heso bi ferhengeka têr peyv sawîrên…