LÊVÊN ŞIKESTÎ…. DUA

  Bêkes Têlo

Sosina  min Dua
Lêborîn…. ji gezên minî lawirane.
Salên bihûrî
Di goristana sirgûne
 Dibînim bi pencera çavên te….
Ser vê xaka dem têde bê lebate,
Gurz bi gurz libên barana
Çavên xwe pêşkêşî

Ji evîna berbanga malzarokê
Hatî bi qêrîn…û çûyî bi qêrîn di qada şêrîn.
pinpinîka min
Wisa dijî ser axa
Xwînkirî
Bê razan û hedan,
Roja te dizîn
Bi qeremûşkên …koleperest.

Dilava min….
Didim hev dengê germ
Di meydana bê hest de
Dîwar  matmayî,
 lêvên şikestî…çavên camkirî
dagirtî bi ava bêdengiyê
û guliyê rokê li ser te rakirin
avêtin te kevirên sor ji zimanê agir.

dibêjim ger nûvejînbim
Disa dara şînbim
Bi gulav şabim
Her û her  bi evîn bijîm.
Tu dûrî…noka!
Û hestiyê  te dibriqînin di xaka mad,
 laşê te dipeçim bi hêsitrên xwe,
 tenha xewn dibûyî bi jiyana çivîkan
  bi ava nergiz… Bi xemilînî.
Şûrên kor
Bûn toqa nefirîne… li stuyê te,
Girava evîna  te hiştin
Bê gul
 Û agir.. rûniştvanê xwîna te
Daqlol  bû çû xwar
Roja evîndaran tarîbû
Bê helbest û …bê zar.